Actualitats
Rugbi de XIII: Pantèras o Polets, Tempèsta o Anguialas: per quals las mièjas finalas?
La fasa de classament es acabada en Austràlia. La darrièra jornada a modificat lo classament
Alan Roch
Los Polets recuolan a la quatrena plaça en encaissant un 60-8 contra los vesins Lapinons! La mai granda desfaita de l’istòria del club qu’i pèrd la tresena plaça e se traparà fàcia a las Pantèras pel primièr torn de las pelhòfas. Una formacion de Penrith sens pietat pels Dògols (42-0) e qu’acaba primièra amb 18 victòrias, un nul e una sola desfaita. Los darrièrs còps que finiguèron aquesta plaça ganhèron lo campionat!
Los Polets i daissan la tresena plaça a las Anguialas que ganhan de gaire fàcia als Tigres: 28-24. Melbourne (primièr en 2016, 2017 e 2019) punta a la segonda plaça.
Aurem doncas al programa del primièr torn de las pelhòfas: las partidas Penrith-Polets (divendres) e Melbourne-Parramatta (dissabte): los venceires en mièja finala e los perdents en barratge.
La victòria dels Lapinons lor i permet de despassar Newcastle, desfait pels Titans 36-6, per la 6a plaça e de reçaupre dimenge los Cavalièrs pel primièr torn eliminatòri. Canberra va ganhar 38-28 cò de Cronulla que reçauprà dissabte per aqueste primièr torn de las pelhòfas. Los ganhants d’aquestas doas partidas en barratge e sason acabada pels perdents.
De notar que las Làmias an ganhat 10 partidas, n’an perdudas 10 e acaban aquesta fasa amb tant de punts marcats qu’encaissats: 480!
Los Titans pòdon noirir de regrèts: acaban a dos punts de la qualificacion; un sòrt diferent dins 2 o 3 partidas auriá cambiat las causas pels Tigres, Manly o los neozelandeses. De neozelandeses que van enfin poder tornar al país aprèp gaireben cinc mesadas passadas luènh de l’ostal.
La fin del classament suspren amb los Vaquièrs en quatorzena plaça e la darrièra plaça per Brisbane (solament 3 victòrias dins la sason!). Es l’ora d’una seriosa remesa en causa del costat de Queensland per doas esquipas qu’èrem mai acostumats de veire en cima del classament fa gaire!
Los Dragons tenon pas la distància
Foguèt pas aisit pels Dragons d’anar a Warrington. Tròp de vent a Perpinhan per que l’avion se pausèsse. La jornada dels jogaires comencèt per un viatge en veitura per rejónher Tolosa e prene l’avion cap a Anglatèrra! A la pausa, las doas formacions èran a egalitat (12-12), mas los catalans encaissèron un ensag tre la represa e poguèron pas remontar lo retard: desfaita 30-16.
Va caler faire un esfòrç bèl se los Sang e Aur vòlon dintrar dins las primièras quatre plaças qualificativas per las mièjas finalas. D’aitan mai que, per ratrapar las partidas anulladas, es un pauc lo temps dels trabalhs forçats: desplaçament a Leeds aqueste dimècres e recepcion de Wakefield a Brutus dimenge de vèspre. Amb de se… Canigó seriá tan naut qu’Imalaia, mas per evitar una novèla colèra del president Guasch, qual sap?
Per l’ora, la tièra dels primièrs 4 es d’un classicisme bèl: Warrington, Wigan, St Helens e Leeds! Los catalans son en cinquena posicion. Wigan a ganhat contra Wakefield: 28-16 e Leeds domina Hull KR 41-16.
La Superliga a pas encara pres de decision sus la participacion o pas de Toronto a la competicion la sason venenta.
De balès a Carcassona
Carcassona refortís son paquet de davants per la sason venenta d’Elèit 1. Aprèp lo retorn al país del pilar dels Dragons Catalans, Miquèl Simon, lo club ven d’anonciar la signatura del pilar internacional irlandés Anthony Mullally. Un jogaire experimentat de 29 ans qu’a jogat en Superliga a Leeds e Huddersfield e que portava darrièrament las colors de Toronto. Aquò promet!
Alan Roch
Los Polets i daissan la tresena plaça a las Anguialas que ganhan de gaire fàcia als Tigres: 28-24. Melbourne (primièr en 2016, 2017 e 2019) punta a la segonda plaça.
Aurem doncas al programa del primièr torn de las pelhòfas: las partidas Penrith-Polets (divendres) e Melbourne-Parramatta (dissabte): los venceires en mièja finala e los perdents en barratge.
La victòria dels Lapinons lor i permet de despassar Newcastle, desfait pels Titans 36-6, per la 6a plaça e de reçaupre dimenge los Cavalièrs pel primièr torn eliminatòri. Canberra va ganhar 38-28 cò de Cronulla que reçauprà dissabte per aqueste primièr torn de las pelhòfas. Los ganhants d’aquestas doas partidas en barratge e sason acabada pels perdents.
De notar que las Làmias an ganhat 10 partidas, n’an perdudas 10 e acaban aquesta fasa amb tant de punts marcats qu’encaissats: 480!
Los Titans pòdon noirir de regrèts: acaban a dos punts de la qualificacion; un sòrt diferent dins 2 o 3 partidas auriá cambiat las causas pels Tigres, Manly o los neozelandeses. De neozelandeses que van enfin poder tornar al país aprèp gaireben cinc mesadas passadas luènh de l’ostal.
La fin del classament suspren amb los Vaquièrs en quatorzena plaça e la darrièra plaça per Brisbane (solament 3 victòrias dins la sason!). Es l’ora d’una seriosa remesa en causa del costat de Queensland per doas esquipas qu’èrem mai acostumats de veire en cima del classament fa gaire!
Los Dragons tenon pas la distància
Foguèt pas aisit pels Dragons d’anar a Warrington. Tròp de vent a Perpinhan per que l’avion se pausèsse. La jornada dels jogaires comencèt per un viatge en veitura per rejónher Tolosa e prene l’avion cap a Anglatèrra! A la pausa, las doas formacions èran a egalitat (12-12), mas los catalans encaissèron un ensag tre la represa e poguèron pas remontar lo retard: desfaita 30-16.
Va caler faire un esfòrç bèl se los Sang e Aur vòlon dintrar dins las primièras quatre plaças qualificativas per las mièjas finalas. D’aitan mai que, per ratrapar las partidas anulladas, es un pauc lo temps dels trabalhs forçats: desplaçament a Leeds aqueste dimècres e recepcion de Wakefield a Brutus dimenge de vèspre. Amb de se… Canigó seriá tan naut qu’Imalaia, mas per evitar una novèla colèra del president Guasch, qual sap?
Per l’ora, la tièra dels primièrs 4 es d’un classicisme bèl: Warrington, Wigan, St Helens e Leeds! Los catalans son en cinquena posicion. Wigan a ganhat contra Wakefield: 28-16 e Leeds domina Hull KR 41-16.
La Superliga a pas encara pres de decision sus la participacion o pas de Toronto a la competicion la sason venenta.
De balès a Carcassona
Carcassona refortís son paquet de davants per la sason venenta d’Elèit 1. Aprèp lo retorn al país del pilar dels Dragons Catalans, Miquèl Simon, lo club ven d’anonciar la signatura del pilar internacional irlandés Anthony Mullally. Un jogaire experimentat de 29 ans qu’a jogat en Superliga a Leeds e Huddersfield e que portava darrièrament las colors de Toronto. Aquò promet!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aqueste dimècres de ser, victòria dels Dragons a Leeds : 34-6.
De confirmar, dimenge a 3 oras del vèspre, amb la recepcion de Wakefield a Perpinyà.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari