Actualitats
Amnestia Internacionala denóncia de detencions arbritràrias dins l’estat francés
L’organizacion conclutz que s’es desplegat de leis contràrias al drech internacional per perseguir de manifestants pacifics, de jornalistas e d’observaires dels dreches umans
Lo drech de manifestar dins l’estat francés es en perilh, segon Amnestia Internacionala (AI). L’organizacion umanitària denóncia l’arrestacion de milièrs de manifestants pacifics per de simples eslogans, de bandeiròlas o per s’èsser volguts protegir dels gases lacrimogèns.
Dempuèi qualques meses, AI fa una enquista sus las arrestacions pendent las manifestacions dins l’estat francés e a amassat de desenas de testimoniatges. Las conclusions son inquietantas: “Las autoritats an desplegat un arsenal de leis tròp vagas o contràrias al drech internacional per interpelar, perseguir e mai condemnar de gents qu’avián comés pas cap de violéncia, mas tanben de jornalistas o d’observaires dels dreches umans”.
Per tot aquò, Amnestia Internacionala interpèla lo president francés, Emmanuel Macron, a metre fin a las detencions arbitràrias, e collècta de signaturas en linha sul sit: amnesty.fr/liberte-d-expression/petitions/manifestants-pas-criminels.
Dempuèi qualques meses, AI fa una enquista sus las arrestacions pendent las manifestacions dins l’estat francés e a amassat de desenas de testimoniatges. Las conclusions son inquietantas: “Las autoritats an desplegat un arsenal de leis tròp vagas o contràrias al drech internacional per interpelar, perseguir e mai condemnar de gents qu’avián comés pas cap de violéncia, mas tanben de jornalistas o d’observaires dels dreches umans”.
Per tot aquò, Amnestia Internacionala interpèla lo president francés, Emmanuel Macron, a metre fin a las detencions arbitràrias, e collècta de signaturas en linha sul sit: amnesty.fr/liberte-d-expression/petitions/manifestants-pas-criminels.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La dreta es atal, gardatz lo que passet en l'Estat Espanyol durant lo mandats del pipí. La lei mordala, detencions, multas, empressonaments, aissí son eles. E parlan plan de Veneçuela, d'Estalin mentre qu' eles passan com los bon e son uns falsos ipocritas, fariseus,uns sepulcres emblanquinats, lops tapats amb pelh d'ovelha.
Mercé plan pel peticion, que l'aviai pas vist. Chile, China e Turquia ja se son defenduts de lors pròprias accions de repression en remembrant que çò meteis arriva uèi en França. Ara sèm un pretexte e un exemple pels tirans per tota la planeta, òsca!
#4 En manifestant cada dissabte pendent mai d'un an, ai agut léser de me'n mainar mai d'un còp.
Culturalament, França es bastida sul denegament de 8 autres pòbles (non franceses) que se devon calar e desaparéisser.
Economicament, França es a tornar a una aristocracia financiària e afarista que tot li es degut e que non deu pas res a la collectivitat, de ges de biais.
Concrètament, l'Ancian Regime se pòrta plan…
#3 En França, contràriament a çò qu'òm ensaja menimosament de nos faire engolir tre l'escòla pichona,
las institucions en general e la policia en particular son fachas çò primièr per aparar l'Estat, pas los estatjants. En França l'interès superior de la nacion es pas aquel dels estatjants es aquel de la "nacion". En França la nacion es l'Estat. E qui es l'Estat ? Paris ! Macron seguis una logica qu'es organicament inscricha dins l'ADN de l'estat centralista parisenc. La diferència amb sos predecessors es qu'aquel president o fai maladrechament, sens prene de gants e sens arribar a rescondre son arrogancia de classa e de pesolh revengut parisenc. Aquò ten al mens lo meriti de revelar al grand jorn la cara vertadièira de l'Estat francès qu'es en fach ni mai ni mens que la republica francimanda de Paris. Sas leis, son armada e sa policia son a son servici, pas al vòstre.
Dins son rapòrt, A.I. denóncia tanben los metòdis ultraviolents, agressius e castigadors de gerir las manifestacions. La políciia non a mai per sola mission "lo manten de l'òrdre" ; se tròba adara missionada per descoratjar deliberadament tota veleïtat contestatària, en terrificant la populacion davalada dins la carrièra per exprimir son rejècte d'una politica (generalament lo rejècte del liberalisme que desfa tot ligam social puèi societal, tot servici public, tota solidaritat sociala). La polícia dèu assegurar la securitat dels ciutadans, e non pas los terrificar, los castigar ni lor "apréner cossí pensar"…
La responsa del prefècte de polícia parisian Lalemand als manifestants anticapitalistas gilets jaunes es, a aqueste títol, emblematica : "Nous ne sommes pas dans le même camp". La polícia non a pas de camp politic de far valer. Lo govèrnament fa passar en fòrça decisions sempre mai liberalas que degun mai non i tròba son compte (a despart d'un ponherat de rics, la plotocracia) e la fòrça en question, es vengut a la polícia de l'exercir. Non es sa mission. Sa mission es de protegir ciutadanament, non pas de sometre politicament.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari