Actualitats
Las autoritats turcas an destituit lo darrièr cònsol màger de l’HDP
L’HDP ganhèt arunan las eleccions municipalas de 65 comunas mas ara sèrvan pas que sèt petits vilatges
Lo 25 de setembre passat, Turquia destituiguèt lo cònsol màger de la vila de Kars, Ayhan Bilgen, çò rapòrta Politico. Amb aquela destitucion an ja capitat que lo pròcurd Partit Democratic del Pòble (HDP) govèrne pas cap de las grandas vilas ont ganhèt dins las urnas l’an passat.
L’HDP es lo partit amb mai de sostens del Curdistan del Nòrd, e lo tresen pus grand de Turquia. Dins las eleccions municipalas de març de 2019 emportèt lo govèrn municipal de seissanta cinc comunas. Totun, 18 meses puèi, tenon solament set petits vilatges e almens 18 dels elegits son a l’ora d’ara encarcerats.
Ayhan Bilgen lo destituiguèron dins l’encastre d’una tièra de detencions d’activistas e elegits de l’HDP; al total 20 personas foguèron interpelats per aver resistit a las cargas de la polícia d’una manifestacion qu’aguèt luòc fa sièis ans.
Turquia reprimís amb duretat la defensa de l’autogovèrn e de la cultura curda, amb de milièrs de detenguts, dont los principals dirigents de l’HDP, d’activistas, d’avocats e de jornalistas.
L’HDP es lo partit amb mai de sostens del Curdistan del Nòrd, e lo tresen pus grand de Turquia. Dins las eleccions municipalas de març de 2019 emportèt lo govèrn municipal de seissanta cinc comunas. Totun, 18 meses puèi, tenon solament set petits vilatges e almens 18 dels elegits son a l’ora d’ara encarcerats.
Ayhan Bilgen lo destituiguèron dins l’encastre d’una tièra de detencions d’activistas e elegits de l’HDP; al total 20 personas foguèron interpelats per aver resistit a las cargas de la polícia d’una manifestacion qu’aguèt luòc fa sièis ans.
Turquia reprimís amb duretat la defensa de l’autogovèrn e de la cultura curda, amb de milièrs de detenguts, dont los principals dirigents de l’HDP, d’activistas, d’avocats e de jornalistas.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Es çò qu'anavi dire.
E justament, en legisent un article sus l'Erdogan, me diguèri que çò que vesèm de l'autre costat de la mar nòstra es una turquisacion d'Espanha.
Es pas lo primièr còp qu'i a la tentacion de prene Turquia coma modèl per l'Espanha dels Borbons.
Dins las annadas 80, quand Madrid brusissiá de rumors de sabre, se parlava de far una democracia a la turca, es a dire garentida per l’armada.
I aviá una diferéncia granda :
-en Turquia, l’armada se presentava coma un barri contra lo retorn de l’islamisme;
-en Espanha, èra la garentia de la subrevida del franquisme, la “democracia organica” que disián.
Ara se sap que lo rei corromput escapat a cò de sos amics del Gof trantalhèt la nuèch del 23 de febrièr de 1981, quand la Garda Civila envasiguèt lo Parlament a Madrid. Es lo general Sabino Fernández Campos, secretari general de la Casa del Rei que li salvèt la mesa, en l’empachant de prene lo general Armada, cap dels “golpistas”, al telefòne e en fasent el meteis totas las gestions amb los responsables militars.
E ara, un còp mai, lo Borbon de l'ora camina sus las piadas de son paire e somia d'una Espanha jos contraròtle. Lo president de Catalonha t'agrada pas ? Lo fòrabandisses amb la complicitat dels jutges franquistas.
Tenetz! Coma espanha!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari