Lo 10 d’octòbre que ven se tendràn divèrsas mobilizacions dins l’estat francés per las lengas minorizadas. Dins aquel encastre, la librariá tolosana Tuta d’Òc se mobiliza. Rendètz-vos a la librariá de 10h a 19h per enregistrar en occitan, o en una autra de las lengas de la mobilizacion d’aquel jorn, una frasa, un poèma, una citacion, un cant, una golardada... tot aquò sera difusat suls comptes Instagram e Facebook de la Tuta d’Òc, la librariá de l'IEO de Tolosa.
 
Per s’organizar melhor,  se prèga que lo mond que i volgatz participar contactetz Marion al +33(0)5 31 12 30 53 o per e-mail latutadoc@ieo31.com.
 
 
Mobilizacion per las lengas
 
Las lengas autoctònas de França autras que lo francés oficial patisson dempuèi longtemps un lingüicidi planificat que ven de lançar sa darrièra ataca amb la reforma del licèu. Per aquela rason, lo collectiu nomenat Per Que Viscan Nòstras Lengas, qu’amassa las diferentas associacions d’ensenhaires de las lengas autoctònas e minorizadas de l’estat francés, crida a manifestar lo 10 d’octòbre que ven davant los rectorats, prefecturas, sosprefecturas... Se farà lo meteis jorn per totas las lengas a l’ocasion de la jornada europèa de las lengas. Cridan a la mobilizacion los diferents collectius d’ensenhaires dels país, la FÈLCO, Calandreta etc. La redaccion de Jornalet tanben cridam a manifestar nombroses e exigir un cambiament de las politicas etnocidas de l’estat francés.