Actualitats
Trump es tornat a l'Ostal Blanc dins un espectacle mediatic
Sa corta espitalizacion, los medicaments experimentals e lo refús de la còla de mètges de partejar los diagnostics fan se mesfisar de l’estat real de santat del president
Lo president dels Estats Units, Donald Trump, a quitat l’espital militar ont se trobava a causa de la covid-19. Diluns, rintrava a l’Ostal Blanc en fasent de son retorn un espectacle: arribèt en elicoptèr, pogèt los escalièrs en saludant los jornalistas, se levèt la masca amb un agach provocant.
Puèi publiquèt un vidèo sus Twitter ont disiá qu’aviá aprés “fòrça sul coronavirus” e conselhava als ciutadans que se daissèsson pas dominar per el: “Vos cal pas aver paur. Lo podèm véncer, avèm los melhors mètges. Me portavi pas gaire plan mas dempuèi dos jorns me pòrti d’un biais extraordinari, melhor que dempuèi longtemps. Melhor que fa vint ans. Permetètz pas que vos domine, permetètz pas que prenga lo contraròtle de vòstras vidas. Sèm lo melhor país del Mond”. Trump apondèt qu’èra tornat al trabalh perque “o deviá far” en argumentant que “cap d’autre dirigent auriá fach çò qu’ai fach”. “Sabi que i a un risc e un perilh, mas aquò rai”.
Lo cort sojorn de Trump a l’espital –de solament dos jorns–, lo fach d’èsser estat tractat amb un medicament experimental e lo refús de la còla de mètges de partejar los diagnostics fan se mesfisar de l’estat real de santat del president, que deguèt suspendre la campanha electorala per las eleccions del mes que ven. A mai, se crenh que Trump respècte pas las mesuras preventivas, coma o fa regularament a cada eveniment de la campanha, e provòque una infeccion massissa, coma s’es passat dins la nominacion de la jutgessa Barrett a la Cort Suprèma.
Segon de mèdias dels Estats Units coma CNN, lo mètge de Trump, Sean Conley, a pas raportat gaire de detalhs sus l’estat de santat e sus las mesuras de precaucion per protegir los membres de la còla de Trump. Conley raportèt que l’Ostal Blanc ten una còla de mètges que faràn lo seguiment del president, mas volguèt pas dire quora aguèt lo darrièr tèst de la covid-1 negatiu ni mai quin foguèt lo resultat de l’exploracion pulmonara. Conley argumentèt que l’intimitat de Trump l’empachava d’o revelar. Per contra, si que raportèt tot plen de detalhs fòrça concrets per refortir lo discors de son restabliment. Coma el meteis o diguèt, an administrat a Trump una nòva dòsi de l’antiviral remdesivir e lo president a contunhat de prene de dexametasòna, un esteroïde.
Puèi publiquèt un vidèo sus Twitter ont disiá qu’aviá aprés “fòrça sul coronavirus” e conselhava als ciutadans que se daissèsson pas dominar per el: “Vos cal pas aver paur. Lo podèm véncer, avèm los melhors mètges. Me portavi pas gaire plan mas dempuèi dos jorns me pòrti d’un biais extraordinari, melhor que dempuèi longtemps. Melhor que fa vint ans. Permetètz pas que vos domine, permetètz pas que prenga lo contraròtle de vòstras vidas. Sèm lo melhor país del Mond”. Trump apondèt qu’èra tornat al trabalh perque “o deviá far” en argumentant que “cap d’autre dirigent auriá fach çò qu’ai fach”. “Sabi que i a un risc e un perilh, mas aquò rai”.
Lo cort sojorn de Trump a l’espital –de solament dos jorns–, lo fach d’èsser estat tractat amb un medicament experimental e lo refús de la còla de mètges de partejar los diagnostics fan se mesfisar de l’estat real de santat del president, que deguèt suspendre la campanha electorala per las eleccions del mes que ven. A mai, se crenh que Trump respècte pas las mesuras preventivas, coma o fa regularament a cada eveniment de la campanha, e provòque una infeccion massissa, coma s’es passat dins la nominacion de la jutgessa Barrett a la Cort Suprèma.
Segon de mèdias dels Estats Units coma CNN, lo mètge de Trump, Sean Conley, a pas raportat gaire de detalhs sus l’estat de santat e sus las mesuras de precaucion per protegir los membres de la còla de Trump. Conley raportèt que l’Ostal Blanc ten una còla de mètges que faràn lo seguiment del president, mas volguèt pas dire quora aguèt lo darrièr tèst de la covid-1 negatiu ni mai quin foguèt lo resultat de l’exploracion pulmonara. Conley argumentèt que l’intimitat de Trump l’empachava d’o revelar. Per contra, si que raportèt tot plen de detalhs fòrça concrets per refortir lo discors de son restabliment. Coma el meteis o diguèt, an administrat a Trump una nòva dòsi de l’antiviral remdesivir e lo president a contunhat de prene de dexametasòna, un esteroïde.
— Donald J. Trump (@realDonaldTrump) October 5, 2020
— Donald J. Trump (@realDonaldTrump) October 5, 2020
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quune damatge qu'en aja pas mai patit! Aquò li auriai benlèu mitz un pauc de plomb dins la cervela, el que repetis qu'a plan gerit la situacion ambe mai de 200 000 mòrts... Tot lo monde beneficia pas d'un protocòle de punta als estats units!
La societat de l'espectacle !
#2 Plan dich. Trump qu'ei lo mei avisat, sap com profitar daquera falsa pandemia. Los "democrats" que son mei aisit de dominar peus globalistas que volen la vacina per la "malautia" que tua pas e las autas criminalitats que son en trin d'alestir ...
Co de pieger que poire arribar aus democrats qu'ei la vitoria deu globalista-criminau-dement Biden. Arron eth, dab Sanders o Gabard poiram se regroupar per las prochas eleictions ...
Denunciem la messorga de la pandemia e deus sons "fear mongers"!
Trump es pas corectament corect. Auria degut attrapar lo coronavirus, en morir dins belcòp de dolorr; Son còr auria degut esser botar dins un sac, separat de sa familha e tot aquò auria estat plan. La mafia medicala auria far barof per credar a la dangeriositat de la malaudia, vantar lo vacin e impausar la vacinacion de fòrça. Trump es un dissident coma los professor Raoult, Peronne e tant d'autres.
Alaidonc remerciam lo per sa volontat de resistar a la mafia tot cort. La propaganda dau coronavirus es mas una peça de teatre mas lòm pòd cambiar lo scenario.
Quin paubre tipe !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari