Actualitats
Alemanha: almens 370 ultradrechistas farián partida de las fòrças de seguretat
Se presentèt dimars un rapòrt qu’a enquistat sus la polícia e totes los organismes de seguretat dempuèi genièr de 2017
En Alemanha, aperaquí 370 personas restacadas a l’extrèma drecha fan partida de las fòrças de seguretat del país, segon un rapòrt que lo presentèt dimars passat lo Ministèri de l’Interior alemand e qu’enquista sus la polícia e totes los organismes de seguretat dempuèi genièr de 2017. Lo quite ministre de l’Interior presentèt lo rapòrt en precisant que “cada cas es una vergonha”.
Lo rapòrt demanda que se faga atencion car sembla que i aja d'autres cases que son pas estats descobèrts.
De remembrar que fa qualques jorns, las autoritats del Ren del Nòrd-Vestfàlia suspendèron 29 policièrs per aver participat a de chats ultradrechistas, aver partejat de contenguts faissistas, de fòtos d’Adolf Hitler, de croses gammadas o d’imatges manipulats de refugiats dins de camèras de gas.
Es la primièra enquista d’aquela sòrta que se mena a bon tèrme en Alemanha. I an collaborat los organismes de seguretat de totes los estats federats. D’autres estats europèus an pas fach d’enquistas d’aquela mena.
De son caire, la ministra alemanda de la defensa anoncièt en julhet un plan de chòc per combatre l’extrèma drecha dins las Fòrças Especialas de l’Armada (KSK). Una de las mesuras que se prendrà es la dissolucion d’una de las doas companhiás en activitat.
Lo rapòrt demanda que se faga atencion car sembla que i aja d'autres cases que son pas estats descobèrts.
De remembrar que fa qualques jorns, las autoritats del Ren del Nòrd-Vestfàlia suspendèron 29 policièrs per aver participat a de chats ultradrechistas, aver partejat de contenguts faissistas, de fòtos d’Adolf Hitler, de croses gammadas o d’imatges manipulats de refugiats dins de camèras de gas.
Es la primièra enquista d’aquela sòrta que se mena a bon tèrme en Alemanha. I an collaborat los organismes de seguretat de totes los estats federats. D’autres estats europèus an pas fach d’enquistas d’aquela mena.
De son caire, la ministra alemanda de la defensa anoncièt en julhet un plan de chòc per combatre l’extrèma drecha dins las Fòrças Especialas de l’Armada (KSK). Una de las mesuras que se prendrà es la dissolucion d’una de las doas companhiás en activitat.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
370 ultradrechistas solamensa? En França, n'avèm de milierats dins la policia!
Quina orror ! Òm s'i creiriá en França o en Espanha !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari