Actualitats
Jornada de mobilizacions per las lengas minorizadas de l'estat francés
Exigisson un estatut per las lengas autoctònas de l’estat francés autras que lo francés, l’extension de lor ensenhament e lor desvolopament dins l’espaci public
Jos lo lèma “Per que viscan nòstras lengas” divèrsas manifestacions de divèrsas sòrtas se tenon uèi dins tot l’estat francés. Exigisson un estatut per las lengas autoctònas de l’estat francés autras que lo francés, l’extension de lor ensenhament e lor desvolopament dins l’espaci public.
La situacion d’aquelas lengas, dont lo nòstre occitan, es fòrça marrida. A mai, la darrièra reforma de l’educacion ne limita e desvaloriza brutalament l’ensenhament. “La vertat es que i a al Ministèri de l’Educacion de París una volontat evidenta de metre fin a l’ensenhament de la lenga nòstra”, çò planhiá arunan lo “Centre Regional dels Ensenhaires d’Occitan” de Tolosa.
En Occitània an anonciat de mobilizacions a Agen, Ais de Provença, Arle, Aurenja, Avinhon, Baiona, Bordèu, Carpentràs, Fois, Lemòtges, Marselha, Mont de Marsan, Narbona, Niça, Nimes, Orlhac, Pau, Sant Africa, Tolon, Tolosa, Vilanòva d’Òlt... A mai, a Grenòble manifestaràn quatre associacions occitanas e arpitanas. Sus la mapa que seguís trobaretz mai de detalhs e informacions sus las mobilizacions.
La mobilizacion seguís la crida del collectiu nomenat Per Que Viscan Nòstras Lengas, qu’amassa d’elegits e collectius dont las diferentas associacions d’ensenhaires de las lengas autoctònas e minorizadas de l’estat francés. En Occitània es la majoritat de collectius occitanistas que cridan a la mobilizacion dont la FÈLCO, Calandreta, l’IEO, lo Felibritge, Lo Congrès Permanent de la Lenga Occitana, l’Ostau Bearnés, País Nòstre, Macarèl, lo PNO ... La redaccion de Jornalet avèm tanben cridat a manifestar nombroses per exigir un cambiament de las politicas etnocidas de l’estat francés.
La situacion d’aquelas lengas, dont lo nòstre occitan, es fòrça marrida. A mai, la darrièra reforma de l’educacion ne limita e desvaloriza brutalament l’ensenhament. “La vertat es que i a al Ministèri de l’Educacion de París una volontat evidenta de metre fin a l’ensenhament de la lenga nòstra”, çò planhiá arunan lo “Centre Regional dels Ensenhaires d’Occitan” de Tolosa.
En Occitània an anonciat de mobilizacions a Agen, Ais de Provença, Arle, Aurenja, Avinhon, Baiona, Bordèu, Carpentràs, Fois, Lemòtges, Marselha, Mont de Marsan, Narbona, Niça, Nimes, Orlhac, Pau, Sant Africa, Tolon, Tolosa, Vilanòva d’Òlt... A mai, a Grenòble manifestaràn quatre associacions occitanas e arpitanas. Sus la mapa que seguís trobaretz mai de detalhs e informacions sus las mobilizacions.
La mobilizacion seguís la crida del collectiu nomenat Per Que Viscan Nòstras Lengas, qu’amassa d’elegits e collectius dont las diferentas associacions d’ensenhaires de las lengas autoctònas e minorizadas de l’estat francés. En Occitània es la majoritat de collectius occitanistas que cridan a la mobilizacion dont la FÈLCO, Calandreta, l’IEO, lo Felibritge, Lo Congrès Permanent de la Lenga Occitana, l’Ostau Bearnés, País Nòstre, Macarèl, lo PNO ... La redaccion de Jornalet avèm tanben cridat a manifestar nombroses per exigir un cambiament de las politicas etnocidas de l’estat francés.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 L’escòrna e las injuras son pas un argumentari. Amorós de nòstra lenga coma bèlcòp. Mercegi la FELCO que lucha, cada jorn, per la plaça de l’occitan dins l’escòla publica, aquela de tot lo monde. Soi devengut professor d’occitan per las rencontres qu’ ai fach… de femnas e d’òmes ambe fòrça d’umanitat…
Grandmercé, a la fac de Montpelhièr qu’a afortit mon amor de lenga, ma cultura occitana. M’a mostrat la riquesa de nòstra istòria, de nòstra literatura, de nòstra cultura... Qualques nocions essencialas, me sembla, per faire viure e passar nòstra lenga…
Grandmercé a la FELCO,de monde credible…uman, que dòna de son temps, tot son temps a nòstra lenga…
L’Inquisicion foguèt facha pels Catars pas pels occitanistas, soi pas segur.
Un enmasacat per lo monde universitari, la FELCO e son trabalh.
Es paur... es grèu?Me cal consultar...
#24 Adishatz,
Navèth professor d'Oc titularizat engoan, que'vs disi que francament les vòstas pelejas que'm despassan un chic.
Totun, çò de dit per M Thomas suus professors d'oc que sòrten deu Capes qu'es vertat a 100%. Pas formats, pas ajudats. Nada perspectiva ni armonisacion de praticas. Arren.
Donc belèu quauques, avant de dar leçons de "convivéncia" a le Tèrra ringlanta, que s'ac varré mélher espièssin un chic mèi pròche...
Com disen en francés : balayer devant sa porte ?
#25 fariás rire se fasiás pas pietat ! Es Guilhem Thomàs que dèu èsser bravament content que lo metèsses dins la meteissa tièrra que Blanquer, Macron, la drecha e lo RN. Rejonh-lo e farga un comitat de las victimas anonimas (enfin el a al mens lo coratge de l'èsser pas anonim!) de la FELCO !
#12 "obrarai dins aquel sens" e ben al mens obraràs enfin ! Te'n feliciti ! Jogar lo troll sul jornalet e se pausar en grand revolucionari de clavièr e de rets socials, insolentar las gents (qu'eles òbran vertadierament) quand partejan pas lo tieu vejaire, aquò's pas OBRAR, es se pinholar ! Se te fai plaser contunha, mas as pas brica lo drech de te reivendicar de parlar al nom dels ensenhaires. Parlas pas qu'en ton nom pròpri, al nom d'un tipe rosegat per l'amarum que son accion militanta se limita a fargar de mèmes suls malhums socials e bramar son òdi per pòsts interpausats.
#7 Se la manif de Baiona ei estada ua responsa au veto de la rectritz de Bordèu suu projècte de classa immersiva a St-Pèr-d'Irúber ne cau pas desbrembar que's hasó tanben au parat de la jornada de las lengas organizada per la Flarep dehens laquau la Felco n'ei pas la mei petita estructura. A perpaus de l'union, en Bearn qu'èra au mensh autant larga entà entinoar l'eveniment com au Bascoat e totun a l'arribada los efectius qu'estón mendres. Ua part de l'explicacion que's tròba dens las shifras de l'ensenhament bilingue e immersiu qui son lo rebat d'un investiment segur de la societat. Menshidem-nse deus explics simplòts com lo qui ac haré tot repausar sus l'ajuda de la comunautat autonòma d'Euskadi (ne fonciona pas tà Catalonha nòrd). Qu'èm obligats de constatar que las representacions deu basco e de l'occitan ne son pas brica parièras. Bessé que las rasons ne son pro pregonas e que las responsas ne's tròban pas totas hens l'istòria recenta.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari