Actualitats
Trump assegura qu’a descobèrt la garison de la covid-19
Pel president dels Estats Units son infeccion es estada “una benediccion de Dieu” e l’òme s’atribuís la descobèrta del Regeneron
Per Donald Trump, son infeccion de la covid-19 es estada “una benediccion de Dieu” pr’amor que li a permés de ne descobrir la garison. Dins un vidèo publicat sus Twitter lo president dels Estats Units esita pas a s’atribuir la descobèrta del Regeneron, un coctèl de medicaments terapeutic que, totun, el vei coma la garison de la malautiá.
En mai d’aquò, Trump a assegurat que vòl que lo Regeneron siá gratuit per totes los ciutadans dels Estats Units.
Ça que la, cal dire que lo Regeneron qu’an administrat a Trump es practicament inaccessible al public car se tròba encara en fasa experimentala. En cas que se n’apròve l’usatge pel procediment d’urgéncia, la societat farmaceutica qu’i trabalha assegura que ne poiriá aver sonque 300 000 unitats a la fin de l’annada, pas mai.
A la fin del vidèo, Trump a tornarmai acusat China d'èsser responsabla de la pandemia, en disent que la granda poténcia asiatica “pagarà car” çò qu’a fach als Estats Units e al Mond entièr.
“Pensi que foguèt una benediccion de Dieu que m’infectèsse. Foguèt una benediccion desguisada. M’infectèri, aprenguèri qu’existissiá aquel medicament, diguèri «daissatz-me lo prene» —o suggeriguèri ieu— e foncionèt d’un biais incresible. E pensi que s’èri pas infectat veiriam aquel medicament coma tantes d’autres” —çò ditz.— “Diràn que son [de medicaments] terapeutics, benlèu, mas ieu o vesi diferentament: son una garison”.
En mai d’aquò, Trump a assegurat que vòl que lo Regeneron siá gratuit per totes los ciutadans dels Estats Units.
Ça que la, cal dire que lo Regeneron qu’an administrat a Trump es practicament inaccessible al public car se tròba encara en fasa experimentala. En cas que se n’apròve l’usatge pel procediment d’urgéncia, la societat farmaceutica qu’i trabalha assegura que ne poiriá aver sonque 300 000 unitats a la fin de l’annada, pas mai.
A la fin del vidèo, Trump a tornarmai acusat China d'èsser responsabla de la pandemia, en disent que la granda poténcia asiatica “pagarà car” çò qu’a fach als Estats Units e al Mond entièr.
A MESSAGE FROM THE PRESIDENT! pic.twitter.com/uhLIcknAjT
— Donald J. Trump (@realDonaldTrump) October 7, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#6 Vòle pas ges defendre quelh tròç de padela de Trump. Sabe ben que faguèt tot lo contrari de ce que chaliá per lutar còntra quela salopariá de virús. Voliá màs que soslinhar lo comportament franc ipocrita de nòstes governants que ne'n vòlon faire lo sou coupable per se pas embolhar embé China que ne'n sèm dependents economicament, sanitarament mai tecnicament.
#4 Avèm pas besonh de faire fisança als chineses, i a d'altres exemples: Nòva Zelanda, Tunisia, Vietnam... Es possible de luchar, es un fach. Trump o a pas fach per çò que a passat de meses a negar la realitat de la pandemia. Se pòt pas dire que la covid19 es pas qu'una gripa, del temps qu'acusam China d'estre responsable d'un "omicidi a granda escala", coma o fa aqueste bogre de piòt de Trump...
#3 D'en pertot ausisse de monde que temptan de contunha de faire dau Trump lo responsable d'aquela epidemia. Tant nèci que siage, lo Trump nos fai màs que soventar ce que fasèm totes mina d'oblidar : lo virús es bien sortit de la viala de Wuhan, non pas de Washington o Chicago ! La resta, aquò es d'ideologia...
Disètz : « limitar [l'epidémia] China o a fach »
De que ne'n sabèm ? Ne'n sètz segur d'aquò ? Coma podriem seriosament creire un país capable, fai quauques mes, d'anonciar oficialament la mòrt de praquí 3 000 personas en tot comandar segretament 40 000 urnas funeràrias ? La comunicacion oficiala dau governament chinés, ieu la prene embé de pincetas... de petiòtas pincetas...
D'en pertot ausisse de monde que temptan de contunha de faire dau Trump lo responsable d'aquela epidemia. Tant nèci que siage, lo Trump nos fai màs que soventar ce que fasèm totes mina d'oblidar : lo virús es bien sortit de la viala de Wuhan, non pas de Washington o Chicago ! La resta, aquò es d'ideologia...
Disètz : « limitar [l'epidémia] China o a fach »
De que ne'n sabèm ? Ne'n sètz segur d'aquò ? Coma podriem seriosament creire un país capable, fai quauques mes, d'anonciar oficialament la mòrt de praquí 3 000 personas en tot comandar segretament 40 000 urnas funeràrias ? La comunicacion oficiala dau governament chinés, ieu la prene embé de pincetas... de petiòtas pincetas...
#1 China a pas balhat d'informacions pro lèu a la debuta de la pandémia, mas es tròp facile de dire qu'es tot de lor falta. En particular, lo estats units an agut fòrça temps per reagir abans d'estre tocats pel virus, e an fach pas res. Era possible de vencir l'epidémia o de la limitar, d'alhors China o a fach. Trump es lo principal responsable de la situacion dins lo seu pais. E ara, a causa de sa bestiesa, son un fogal d'infeccion que manaça lo monde entièr, tant coma Euròpa. Aqui perqué lo virus s'es espandit. Sèm al mensa aitant responsables coma China.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari