capçalera campanha

Actualitats

CulturaEnvironamentInternacionalSciénciaSocietat

Nòva York: un relòtge remembra lo temps que demòra a la planeta

Un projècte d’art nos recòrda que dins sèt ans los efièches de l’escalfament global seràn irreversibles

| eco_nnect
Lo 19 de setembre passat, lo relòtge del Metronome de Nòva York comencèt de comptar a l’envèrs. A 15h20, comencèt lo compte a rebors a partir de 7:103:15:40:07 en indicant los ans, jorns, oras, minutas e segondas que demòran a la planeta abans que los efièches de l’escalfament global sián irreversibles, çò rapòrta The New York Times. S’agís d’un avertiment seriós a l’umanitat per qu’agisca abans que siá tròp tard.
 
Lo Metronome es una enòrma installacion publica d’art inaugurada en octòbre de 1999. Lo relòtge fa partida d’un projècte artistic de Gan Golan e d’Andrew Boyd amb la tòca de nos far prene consciéncia del cambiament climatic.
 
 
 
 
 
 
abonar los amics de Jornalet
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Maignial Galhac
4.

#3 fa de decennias que foguèt installat aqueste relòtge. Cal soscar un pauc avans d'escriure de colhonadas...

  • 2
  • 0
Bleydh Vilanova
3.

Aquò fan solsament perque i a eleccions, se non o si lo president foguesse 'democrata', i auriá pas ni relòtge ni res

  • 2
  • 6
Franc Bardòu
2.

#1 Plan d'acòrdi. A cada còp, o daissan dins l'implicit, sense cap comentari general. Espian cada signe de la malautiá sense jamai davalar fins al diagnostic final.

O Faguèssen, totes los decedèires actuals passarián per çò que son : d'irresponsables.

Aqueles decidèires vòlon arribar primièr al jòc capbord de lo que se trucarà lo primièr lo cap contra la paret de la realitat. Deliran dins l'illimitat, mas la limitacion es lo principi principal de tot principi de realitat. Se pèrdon las aucas. Mas las aucas, sèm nosautres !!!

Pensi que lo silenci colpable que denóncias es una de las dimensions multiplas de la propaganda neoliberala, e donc del mite del progrès tecnic e economic, e de la creissença illimitada que res non deu arrestar. Del mai tard nos arrestarem, del mai tard lo trucàs contra la paret serà imminent.

Per dire de demorar optimista, poiriam somniar qu'en realitat, jògan sonque a lo que s'arrestarà lo darrièr, coma dins la furor de viure…

  • 9
  • 0
Joan-Marc LECLERCQ
1.

Jo, que soi un observaire deus mèdias, soi tostemps espantat de véser que las televisions e los jornaus màgers an pas pres brica la mesura deu rescauhament. Te podon hèr un reportatge sus les consequéncias dins un endret sense de díser lo mot "rescauhament climatic". Un reportatge suu sequèr que s'acaba per "La region espèra tornar lèu a la normalitat". Seriós ?

Encara ièr au JT de 20h de França 2, Delahousse digoc que "2020 serà l'annada mès cauda de l'istòria", çò que pòt estar comprés per pepinòts qu'espian coma que l'an que veng serà milhor.

Sabi pas se lo monde i cresen pas o qué. Pensi que cau que lo monde sian geinats dens lor con.hòrt de cada jorn per començar a i soscar. Los estatjants de Djakarta qu'an los pès dens l'aiga ne sabon quicòn.

  • 9
  • 0

Escriu un comentari sus aqueste article