Actualitats
Bielorussia: la polícia emplegarà d'armas de fuòc contra los manifestants
Lo Ministèri de l’Interior considèra que lo movement de protèsta per carrièras “se radicaliza”
La polícia de Bielorussia menaça d'emplegar d’armas de fuòc per combatre las manifestacions, çò a avertit lo Ministèri de l’Interior en considerar que lo movement de protèsta per carrièras “se radicaliza”. Segon lo ministèri, las fòrças de l’òrdre “abandonaràn pas las carrièras e utilizaràn, se cal, de còlas especialas e d’armas de combat” pr’amor qu’assegura que “las manifestacions que se son tengudas mai que mai a Minsk son vengudas organizadas e extrèmament radicalas”.
Mentretant, l’Union Europèa a anonciat qu’es a infligir de sancions a Lukashenko.
Bielorussia se tròba dins una crisi politica grèva dempuèi las eleccions presidencialas d’agost passat. L’oposicion considèra aqueles vòtes coma una frauda e aquò a desencadenat las manifestacions mai massissas de l’istòria recenta del país.
Dins las darrièras setmanas, lo regim que lo presidís Aleksandr Lukashenko, sostengut per Russia, a intensificat la repression de las protèstas amb la detencion de desenas de manifestants, jornalistas e activistas opausants.
A l’ora d’ara, gaireben totas las figuras de l’oposicion son encarceradas o en exili e la setmana passada las autoritats anullèron las acreditacions de totes los mèdias estrangièrs per empedir la cobertura dels eveniments.
Mentretant, l’Union Europèa a anonciat qu’es a infligir de sancions a Lukashenko.
Bielorussia se tròba dins una crisi politica grèva dempuèi las eleccions presidencialas d’agost passat. L’oposicion considèra aqueles vòtes coma una frauda e aquò a desencadenat las manifestacions mai massissas de l’istòria recenta del país.
Dins las darrièras setmanas, lo regim que lo presidís Aleksandr Lukashenko, sostengut per Russia, a intensificat la repression de las protèstas amb la detencion de desenas de manifestants, jornalistas e activistas opausants.
A l’ora d’ara, gaireben totas las figuras de l’oposicion son encarceradas o en exili e la setmana passada las autoritats anullèron las acreditacions de totes los mèdias estrangièrs per empedir la cobertura dels eveniments.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Armenia non se presenta del meteis biais ; Russia la sosten, e Euròpa desarpòba Turquia. Aquí los enjòcs son plan diferents.
Se la populacion se daissa tuar, aquò se dirà "manten de l'òrdre" e lo tiran se'n tirarà aital, amb lo sosten incondicional de Russia autoritatista.
Se la populacion non se daissa tuar, e replica, serà una guèrra civila, que probablament la perdrà, mens plan armada, sense aligats, sense sosten exterior significatiu ni decisiu, contràriament al dictator.
Venguèsse un sosten decisiu de l'exterior, aquò poiriá engatjar un conflicte mondial entre aligats de Putin e enemics de Putin, per çò mendre, un conflicte internacional. Degun non ne vòl, a mens qu'una esquèrra vertadièra manace de prendre poder, per exemple, en Euròpa. Per decideires internacional, tot val mièlhs qu'una esquèrra vertadièra a las comadas…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari