Actualitats
Norvègia autreja l’asil politic a un ciutadan polonés
Rafał Gaweł es fondador d’una ONG que susvelhava de cases racistas o xenofòbs. Acusat de frauda e falsificacion, l’avián condemnat a dos ans de preson
Norvègia a concedit l’asil per persecucion politica a Rafał Gaweł. Es lo primièr cas que s’acòrda l’asil a un ciutadan polonés dempuèi la desaparicion del regim sovietic.
Gaweł es fondador d’una ONG que susvelhava de cases racistas o xenofòbs. Fa tres ans, el e d’autres membres de l’organizacion foguèron acusats de frauda e falsificacion. En genièr de 2019 foguèt condemnat a dos ans de preson e abans la resolucion del recors final, se gandiguèt en Norvègia ont sollicitèt l’asil per el e per sa familha.
Ara, la justifica norvegiana a considerat qu’auriá pas de jutjament just en Polonha “a causa de la destruccion de la separacion de poders de part del govèrn polonés e de la politizacion dels tribunals”. Los jutges norvegians afirman tanben que Polonha agís pas contra “las activitats de las milícias e de las organizacions d’extrèma drecha e faissistas qu’utilizan la violéncia contra los opausants politics amb impunitat”.
Per tant, an concedit l’asil a Gaweł que lo considèran secutat per las autoritats polonesas e las fòrças de l’òrdre.
Gaweł es fondador d’una ONG que susvelhava de cases racistas o xenofòbs. Fa tres ans, el e d’autres membres de l’organizacion foguèron acusats de frauda e falsificacion. En genièr de 2019 foguèt condemnat a dos ans de preson e abans la resolucion del recors final, se gandiguèt en Norvègia ont sollicitèt l’asil per el e per sa familha.
Ara, la justifica norvegiana a considerat qu’auriá pas de jutjament just en Polonha “a causa de la destruccion de la separacion de poders de part del govèrn polonés e de la politizacion dels tribunals”. Los jutges norvegians afirman tanben que Polonha agís pas contra “las activitats de las milícias e de las organizacions d’extrèma drecha e faissistas qu’utilizan la violéncia contra los opausants politics amb impunitat”.
Per tant, an concedit l’asil a Gaweł que lo considèran secutat per las autoritats polonesas e las fòrças de l’òrdre.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Polonia es de las desmocaoticas democracias, de las mai feblas e reaccionarias de l'UE.
#1 Òu l'òme ! Vòstas cronicas d'actualitat me mancan regde ! Quora tornaretz ?
#2 lo problema es que Europa es França + Alemanha + satellites) e França non fará pas res contra ela meteissa
La meteissa Euròpa fariá ben de fintar de près çò que se passa en França, rapòrt al demesiment escandalós del dreit de manifestar, e de l'instrumentalizacion de la justícia e de la políca al servici d'un ideal politic fastigós de la màger part de mond non ne vòl pas : lo liberalisme.
Soi pas especialista judiciari, mes èi lejut un jorn que se Euròpa protestava contra " la destruccion de la separacion de poders" en Polonha, çò qu'es plan, deberé espiar çò que's debana dens l'Estat espanhòu qu'a ... lo medish sistèma judiciari.
Aquò me torna brembar quan los mèdias europencs parlavan de las manifestacions en Bielorussia (çò qu'es plan), mes pas brica de las medishas manifestacions que's debanavan en Bulgaria (sòcia de l'UE) au medish moment.
Los jorn quan los jornalistas deus mèdias màgers se cromparàn un ordenator e se brancaràn sus internèt, te disi pas lo cambiament ...!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari