Actualitats
La comuna de Nantas issarà la bandièra bretona a partir de decembre
Institucions e associacions insistisson sul referendum de reünificacion de Bretanha
Aperaquí 150 personas —de representants d’institucions e d’associacions bretonas— s’amassèron l’11 d’octòbre a Nantas per debatre de las perspectivas de reünificacion de la Bretanha istorica e per explicar qualques proposicions per avançar devèrs aquela tòca.
L’objectiu central contunha d’èsser lo referendum qu’en 2018, lo departament del Léger Atlantic demandèt d’organizar al president francés Emmanuel Macron. Las doas entitats organizairas de la reünion (À la bretonne e Breizh Civic Lab) an anonciat que lo conselh regional de Bretanha e la comuna de Nantas (capitala del departament de Léger Atlantic) signaràn abans la fin de l’an un document de sosten a la demanda facha a Macron.
Lo departament del Léger Atlantic sollicitèt lo referendum après que l’associacion Bretanha Reünida amassèt 105 000 signaturas de sosten. Lo president del conselh departamental, Philippe Grosvalet, es contrari a la reünificacion mas admet que lo referendum se deuriá organizar perque la peticion a una legitimitat democratica.
Per visibilizar son engatjament per la reünificacion, la comuna de Nantas a decidit d’issar, a partir de decembre, la bandièra de Bretanha davant son edifici.
Lo departament del Léger Atlantic, e mai siá istoricament breton, fa partida a l’ora d’ara de la region dels Païses de Léger. Fa de decennis que lo movement breton ne reclama la reünificacion amb los quatre departaments que constituisson la region oficiala de Bretanha.
Qualques dirigents del Léger Atlantic prepausan que tota la region dels Païses de Léger s’unifique amb Bretanha per constituir una nòva macroregion dicha lo Grand Oèst. Lo movement breton rebuta aquela possibilitat.
Aquesta nòva es adaptada de Nationalia amb qui Jornalet ten un acòrdi de cooperacion.
L’objectiu central contunha d’èsser lo referendum qu’en 2018, lo departament del Léger Atlantic demandèt d’organizar al president francés Emmanuel Macron. Las doas entitats organizairas de la reünion (À la bretonne e Breizh Civic Lab) an anonciat que lo conselh regional de Bretanha e la comuna de Nantas (capitala del departament de Léger Atlantic) signaràn abans la fin de l’an un document de sosten a la demanda facha a Macron.
Lo departament del Léger Atlantic sollicitèt lo referendum après que l’associacion Bretanha Reünida amassèt 105 000 signaturas de sosten. Lo president del conselh departamental, Philippe Grosvalet, es contrari a la reünificacion mas admet que lo referendum se deuriá organizar perque la peticion a una legitimitat democratica.
Per visibilizar son engatjament per la reünificacion, la comuna de Nantas a decidit d’issar, a partir de decembre, la bandièra de Bretanha davant son edifici.
Lo departament del Léger Atlantic, e mai siá istoricament breton, fa partida a l’ora d’ara de la region dels Païses de Léger. Fa de decennis que lo movement breton ne reclama la reünificacion amb los quatre departaments que constituisson la region oficiala de Bretanha.
Qualques dirigents del Léger Atlantic prepausan que tota la region dels Païses de Léger s’unifique amb Bretanha per constituir una nòva macroregion dicha lo Grand Oèst. Lo movement breton rebuta aquela possibilitat.
Aquesta nòva es adaptada de Nationalia amb qui Jornalet ten un acòrdi de cooperacion.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Referendum ! Democracia ! Nantas es bretona de segur !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari