Actualitats
Grècia: 13 ans de preson per la direccion d’Alba Daurada e perpetuitat per l’assassin de Pavlos Fyssas
La senténcia assegura que los delictes comeses pel partit neonazi —dont assassinat, agression e possession d’armas— foguèron organizats pels dirigents del partit
Una setmana après que la justícia grèga qualifiquèt lo partit neonazi Alba Daurada (Chrysi Avgi) d’organizacion criminala es arribada la senténcia.
Lo jutge a condemnat son lidèr, Nikolaos Michaloliakos, e cinc dels sièis nauts dirigents del partit a 13 ans de preson, e lo seisen, Artemis Matheopoulos, a 10 ans.
D’autres politicians del partit, dont qualques èx-deputats, los an condemnats a de penas d’entre 5 e 7 ans de preson. Un dels condemnats es l’eurodeputat Ioannis Lagos, qu’ara se tròba a Brussèlas. Li devon traire l’immunitat per l’extradir devèrs Grècia per qu’i pòsca èsser encarcerat.
Quant a l’assassin del cantador antifaissista de rap Pavlos Fyssas, l’an condemnat a perpetuitat. S’agís del militant del partit Giorgos Roupakias, que reconeguèt lo crime pendent lo jutjament.
Après un procès de cinc ans, ont 86 membres del partit èran acusats, la senténcia assegura qu’es demostrat que los crimes e delictes comeses pel partit, dont un assassinat, una agression e la possession d’armas, foguèron pas d’accions individualas mas planificadas e organizadas per la direccion del partit.
Lo jutge a condemnat son lidèr, Nikolaos Michaloliakos, e cinc dels sièis nauts dirigents del partit a 13 ans de preson, e lo seisen, Artemis Matheopoulos, a 10 ans.
D’autres politicians del partit, dont qualques èx-deputats, los an condemnats a de penas d’entre 5 e 7 ans de preson. Un dels condemnats es l’eurodeputat Ioannis Lagos, qu’ara se tròba a Brussèlas. Li devon traire l’immunitat per l’extradir devèrs Grècia per qu’i pòsca èsser encarcerat.
Quant a l’assassin del cantador antifaissista de rap Pavlos Fyssas, l’an condemnat a perpetuitat. S’agís del militant del partit Giorgos Roupakias, que reconeguèt lo crime pendent lo jutjament.
Après un procès de cinc ans, ont 86 membres del partit èran acusats, la senténcia assegura qu’es demostrat que los crimes e delictes comeses pel partit, dont un assassinat, una agression e la possession d’armas, foguèron pas d’accions individualas mas planificadas e organizadas per la direccion del partit.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Trobe qu' aquestes partits nazis aurien d'estar il·legalizats e naturalment investigats tots los sieus crims presents e passats.
E se fan apèl, pel segond, los se caldriá mandar far jutjar dirèctament en Israël…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari