La solidaritat a ben capitat e Tè Vé Òc poirà gardar sa salariada. Fa qualques setmanas raportàvem la crida que l’aviá facha l’associacion de produccion audivisuala en occitan perque sas finanças èran grèvament tocadas pr’amor de la crisi sanitària de la covid-19. “ A l’ora d’ara, leis ajudas son vengudas, leis amics an participat generosament a la collècta. Gardarem nòstra salariada s’avèm lei subvencions costumieras per 2021”, çò ditz lo comunicat qu’an difusat.
 
Tè Vé Òc prepausa cada setmana, dempuèi 2012, una emission de 13 minutas que se pòt veire en linha sul sit teveoc.com, sus son canal YouTube e dins la seccion de vidèo de Jornalet. Per finançar aquela emission, l’associacion vend d’animacions e de produches audiovisuals, mas ongan aquò s’es pas pogut far a causa del confinament e de las mesuras presas pr’amor de la crisi sanitària.
 
Tè Vé Òc organiza cada an lo festenal Rescontre de cinèma en occitan.