Actualitats
De desenats de milièrs de personas an pres las carrièras contra l’assassinat de Samuel Paty
Uèi es previst un omenatge oficial dins lo pati d’onor de la Sorbona
Jol crit de “je suis prof” (soi professor) i aguèt dimenge passat de nombrosas manifestacions dins las principalas vilas de l’estat francés, dont tanben las occitanas. De desenats de milièrs de ciutadans mostrèron lor esfrai per l’assassinat de Samuel Paty, un ensenhaire francés que foguèt decapitat divendres, lo jorn que començava lo cobrifuòc, a Conflans-Sainte-Honorine, a una trentena de quilomètres al nòrd-oèst de París. L’agressor, un gojat de 18 ans d’origina chechèna, la polícia lo tuèt per bala dins la vila vesina d’Eragny.
L’orror del crime e lo fach d’aver atemptat contra l’educacion e contra la libertat d’expression a tocat la sensibilitat de tota la societat. Cridavan als acamps los sindicats d’ensenhaires e la majoritat dels collectius de la societat civila dont las organizacions antiracistas e pacifistas.
Secutament de Paty
Quitament l’administracion francesa cridèt a manifestar. D'efièch, lo pòrtavotz del govèrn de Castex, Gabriel Attal, diguèt dins una entrevista a la television que lo professor aviá patit un secutament enòrme per aver mostrat de caricaturas de Maomet dins sa classa. Dins aquel sens, cridèt als acamps en demandar “una responsa exemplara” contra los autors del crime.
Per ara, i a onze personas arrestadas a causa de las menaças qu’aviá recebudas l’ensenhaire assassinat, dont lo paire d’una escolana de Paty qu’aviá publicat dos vidèos suls rets socials en criticant l’ensenhaire e en raportant sas donadas personalas.
Uèi es previst un omenatge oficial dins lo pati d’onor de la Sorbona, la coneguda universitat parisenca.
Percaça de radicals irregulars
Demest las mesuras anonciadas pel govèrn francés, lo ministre de l’Interior, Gérald Darmanin, a anonciat qu’a donat l’òrdre a la polícia que s’expulse immediatament 231 personas que son sens papièrs e coneguts per la polícia per lor radicalizacion jihadista. Demest aqueles 231, 180 son ara en preson.
L’orror del crime e lo fach d’aver atemptat contra l’educacion e contra la libertat d’expression a tocat la sensibilitat de tota la societat. Cridavan als acamps los sindicats d’ensenhaires e la majoritat dels collectius de la societat civila dont las organizacions antiracistas e pacifistas.
Secutament de Paty
Quitament l’administracion francesa cridèt a manifestar. D'efièch, lo pòrtavotz del govèrn de Castex, Gabriel Attal, diguèt dins una entrevista a la television que lo professor aviá patit un secutament enòrme per aver mostrat de caricaturas de Maomet dins sa classa. Dins aquel sens, cridèt als acamps en demandar “una responsa exemplara” contra los autors del crime.
Per ara, i a onze personas arrestadas a causa de las menaças qu’aviá recebudas l’ensenhaire assassinat, dont lo paire d’una escolana de Paty qu’aviá publicat dos vidèos suls rets socials en criticant l’ensenhaire e en raportant sas donadas personalas.
Uèi es previst un omenatge oficial dins lo pati d’onor de la Sorbona, la coneguda universitat parisenca.
Percaça de radicals irregulars
Demest las mesuras anonciadas pel govèrn francés, lo ministre de l’Interior, Gérald Darmanin, a anonciat qu’a donat l’òrdre a la polícia que s’expulse immediatament 231 personas que son sens papièrs e coneguts per la polícia per lor radicalizacion jihadista. Demest aqueles 231, 180 son ara en preson.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Nos contava lo regent, aquel grand rei de França.
Acatat davant los paure, un sant òme, aquel Sant Loïs.
Aimava tota la gent e volia pas la misèria,un sant òme, aquel Sant Loïs !
Mas perque, perque m'an pas dit a l'escòla, perque m'an pas dit,
mas perque, perque m'an pas dit a l'escòla qu'avia tuat mon païs ? "
(Claudi Marti, Perque m'an pas dit ? )
"Escota plan mon fraire, lo sòmi que m'an fait, escota plan mon fraire, un sòmi de damnat.
Lo regent de l'escòla a pro tustat mos dits quand disiai las paraulas del dialecte maudit."
(Claudi Marti, Lo Sòmi)
Quauquas vertats que son sanitosas de rementar a l'ora d'aquel deluvi de nacionalisme sus l'excelència de l'instruccion francèsa : a tanben genocidat la lenga nòstra.
Per las libertat d'expresion tamben es poder far accions e caricaturas de la bandiera francesa, de la Marselhesa, de Napoleon pom,pom., dels reis de França e de Maria Antonieta quan los guilhotinaren e las femnas vielhas sen reien fent calça.,de lo genocidi de las lengas e las nacions de França. Mas segur que lo Govern francès no los farà onors militar a questas altras accions. Una part de racisme i a en aquestas caricaturas contra la religion de los emigrants del Nord d'Africa.
Contrariament a ço que voldria far creire Darmanin, aquel ordre d'expulsion de las 231 personas radicalizadas es pas estat pres en reaccion a l'atemptat, èra jà previst, emai signat (e oc !) plan abans l'assassinat del professor. Coma que, tot fa ventre per aquel govern...
Una escasença de las bonas per afortir tornamai las valors de la Republica : libertat, egalitat, fraternitat, laïcitat, jacobinisme, parisiano-centrisme, unilinguisme francimand... Son TOTAS aquelas valors que son sacralizadas e exaltadas dins aquela grand messa emocionala entorn de l'hussard noir martir celebrat per França , doblidètz-o pas.
Degun va pas prendre lei carrièras PER l'assassinat de Samuel Paty. Es absurde aquest títol.
L'enjuec dau passacarrièra es pas PER o CONTRA l'assassinat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari