Actualitats
Ven de paréisser lo tresen volum de l’Istòria de la cosina occitana e catalana
Aqueste volum es consagrat als legums secs, al ris e a las pastas. Es previst que l’òbra comprenga dètz volums
Après lo succès dels primièrs dos, es paregut ara lo tresen volum de l’Istòria de la cosina catalana e occitana, una edicion màger consagrada als legums secs, al ris e a las pastas. Es previst que l’òbra comprenga dètz volums e que siá completament acabada d’aicí a dètz o dotze ans. “Costarà una vida entièra, mas soi una persona fòrça pacienta”, çò declarava l’autor, Vicent Marqués. “Una pèça d’art”, segon lo reputat cosinièr catalan Ferran Adrià.
Marqués es cosinièr e escrivan, nascut a Valéncia en 1950. A publicat de romans e de libres de cosina tradicionala. Fa aperaquí quaranta ans que comencèt la recèrca de donadas per escriure aquesta istòria de la cosina catalana e occitana que son tresen volum ven de sortir.
Lo primièr volum ─consagrat a las salsas, als aperitius, a las ensaladas e a las sopas─ foguèt una bèla reüssida de 200 monografias e mai de 300 recèptas; lo segond volum, dedicat als topins e legums, nos explicava, en 920 paginas, cossí podiam aprestar los plats del temps que ne fornissiá un percors istoric, filologic, literari e cultural. Ara. lo tresen volum prepausa de centenats de monografias e de recèptas de legums secs, de ris e de pastas. Marqués prepausa cossí o podèm cosinar e mai detalha lo percors istoric, lingüistic, literari e cultural de las recèptas de la cosina que partejam lo mond dels païses occitanocatalans.
L’òbra cèrca de sarrar del legeire çò de melhor de la cosina populara d’Occitània e dels Païses Catalans. Malgrat que lo trabalh de Marqués siá editat en catalan, Jornalet lo tradutz en occitan per publicar regularament qualques unas de las melhoras recèptas de la cosina del país nòstre, en ne fasent un pauc l’istòria.
Marqués es cosinièr e escrivan, nascut a Valéncia en 1950. A publicat de romans e de libres de cosina tradicionala. Fa aperaquí quaranta ans que comencèt la recèrca de donadas per escriure aquesta istòria de la cosina catalana e occitana que son tresen volum ven de sortir.
Lo primièr volum ─consagrat a las salsas, als aperitius, a las ensaladas e a las sopas─ foguèt una bèla reüssida de 200 monografias e mai de 300 recèptas; lo segond volum, dedicat als topins e legums, nos explicava, en 920 paginas, cossí podiam aprestar los plats del temps que ne fornissiá un percors istoric, filologic, literari e cultural. Ara. lo tresen volum prepausa de centenats de monografias e de recèptas de legums secs, de ris e de pastas. Marqués prepausa cossí o podèm cosinar e mai detalha lo percors istoric, lingüistic, literari e cultural de las recèptas de la cosina que partejam lo mond dels païses occitanocatalans.
L’òbra cèrca de sarrar del legeire çò de melhor de la cosina populara d’Occitània e dels Païses Catalans. Malgrat que lo trabalh de Marqués siá editat en catalan, Jornalet lo tradutz en occitan per publicar regularament qualques unas de las melhoras recèptas de la cosina del país nòstre, en ne fasent un pauc l’istòria.
 | MARQUÉS, Vicent. Història de la cuina catalana i occitana (volum 3). Edicions Sidillà, 2020. 900 paginas. 30 èuros. |
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Me la compraré.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari