Actualitats
Avètz cambiat l’ora?
Anuèch caliá retardar d’una ora los nòstres relòtges e mòstras
Un còp de mai, nos an fach retardar d’una ora los nòstres relòtges e mòstras per intrar dins l’orari d’ivèrn. Aital, a tres oras d’aqueste matin passat, son estadas tornarmai doas oras. Aquò permet d’aprofechar las oras de solelh del matin e aital d’estalviar d’energia, çò dison.
Las mòstras e los relòtges se mòvon a l’encòp gaireben dins tota Euròpa. Aquò comencèt de se far a partir de la crisi del petròli de 1973, quand qualques païses decidiguèron de cambiar l’orari per aprofechar la lutz del solelh e consumar mens d’electricitat. Dempuèi 1981 aquel cambiament orari es una nòrma de l’Union Europèa.
Amb aquesta practica, l’ora oficiala es dins l'estiu de doas oras de mai que l’ora solara, mentre que dins l'ivèrn es d’una ora de mai.
La Comission Europèa a aprovat la supression del cambiament d'ora mas la comission de transpòrt e de torisme del Parlament Europèu a daissat als païses membres de l'UE fins en 2021 la decision de servar l'ora d'estiu o la d'ivèrn.
En blau: païses ont se fa lo cambiament d’ora. En irange: païses ont lo cambiament d’ora se fa pas mai. En roge: païses ont s’es pas jamai fach
© Paul Eggert
Las mòstras e los relòtges se mòvon a l’encòp gaireben dins tota Euròpa. Aquò comencèt de se far a partir de la crisi del petròli de 1973, quand qualques païses decidiguèron de cambiar l’orari per aprofechar la lutz del solelh e consumar mens d’electricitat. Dempuèi 1981 aquel cambiament orari es una nòrma de l’Union Europèa.
Amb aquesta practica, l’ora oficiala es dins l'estiu de doas oras de mai que l’ora solara, mentre que dins l'ivèrn es d’una ora de mai.
La Comission Europèa a aprovat la supression del cambiament d'ora mas la comission de transpòrt e de torisme del Parlament Europèu a daissat als païses membres de l'UE fins en 2021 la decision de servar l'ora d'estiu o la d'ivèrn.
En blau: païses ont se fa lo cambiament d’ora. En irange: païses ont lo cambiament d’ora se fa pas mai. En roge: païses ont s’es pas jamai fach
© Paul Eggert
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
pas segur que los nòstes mòdes de vita s'acostumin dehèt plan de la supression dau cambiament d'òra, totun.
dens lo càs que damorim a l'òra d'estiu : en ivèrn, pas de sorelh avant 9h30 dau matin. los jorns que hèi fosc, dinc a 11h dens l'escura ?
dens lo càs que damorim a l'òra d'ivèrn : en estiu, lo sorelh livat a 5h30 dau matin, e los jorns de calorassa lo canhard tanlèu 8h o 9h ?
lo capitalisme a besunh de bracejar l'aire end'amuishar qu'es viu. tostemps cambiar end'escónder qu'arren ne cambia pas jamei. aquera istòria de supression de cambiament d'òra me hèi aqueth efècte.
per contre, los neonecotinoides, la betonizacion perpetuala e inutila, l'eslargiment de las rotas dejà largas, l'agrandiment de las zònas comerço-artesano-industrialas dejà grandassas, la pesca industriala que vuita los oceans ende fabricar peish panat hastiau, la deforestacion de las sèuvas màgers, lo pilhatge de las ressorças ende fabricar smartphone ende poder vénder la 5G, lo procès de destruccion dau planèt, açò n'es pas sovent contestat o debatut (e encara mensh legiferat...)
Lo mai simple : tornar a l'ora naturala del solelh.
Anirai pas fins a remplaçar las mòstras digitalas pels quadrans solaris... Encara que…
L'argument francés per l'ora d'estiu d'aver mai de temps lo ser en estiu per faire l'aperitiu te fa plegar de rire : i a pas d'ora per beure l'aperitiu !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari