Actualitats
De piratas informatics rauban de grandas entrepresas per donar a d’organizacions umanitàrias
Asseguran que solament atacan las grandas entrepresas amb la tòca de “melhorar lo Mond”
Un grop hacker apelat Darkside a fach un don fòrça generós en criptomoneda a las organizacions umanitàrias Children International e Water Project. L’argent, çò dison, l’an obtengut en extorquissent de grandas entrepresas. Las escrocariás e los dons se son faches per mejan de l’Internet escur (“deep web” o “darknet”). Se calcula que lo contengut que l’a indexat Google equivaldriá a mens del 10% de tot çò que circula vertadièrament dins lo ret. La rèsta, l’Internet escur, seriá fòra de la portada dels cercadors e navigadors mai abituals.
Lo grop hacker a obtengut l’argent per mejan d’atacas informaticas, dichas ransomware. Aquelas ciberagressions criptan los ordenadors atacats de sòrta que las victimas devon pagar una soma d’argent determinada per arribar tornarmai d’accedir a lors maquinas.
Las organizacions beneficiàrias se consagran a sosténer d’enfants, de familhas e de comunautats en Africa, Asia e America e a melhorar l’accès a l’aiga potabla en Africa subsahariana.
Children international refusa l’argent
Children International a dich a la BBC que tornarà l’argent puèi que ven de piratas informatics.
De son latz, la còla de Darkside assegura qu’atacan solament las grandas entrepresas. “Cresèm qu’es just qu’una part de l’argent d’aquelas societats se destine a la caritat”, çò asseguran en remarcant que lor tòca es “de melhorar lo Mond”.
Lo grop hacker a obtengut l’argent per mejan d’atacas informaticas, dichas ransomware. Aquelas ciberagressions criptan los ordenadors atacats de sòrta que las victimas devon pagar una soma d’argent determinada per arribar tornarmai d’accedir a lors maquinas.
Las organizacions beneficiàrias se consagran a sosténer d’enfants, de familhas e de comunautats en Africa, Asia e America e a melhorar l’accès a l’aiga potabla en Africa subsahariana.
Children international refusa l’argent
Children International a dich a la BBC que tornarà l’argent puèi que ven de piratas informatics.
De son latz, la còla de Darkside assegura qu’atacan solament las grandas entrepresas. “Cresèm qu’es just qu’una part de l’argent d’aquelas societats se destine a la caritat”, çò asseguran en remarcant que lor tòca es “de melhorar lo Mond”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Despertatz-vos !
Se li foten quatra calers als otels de Trump qu' en té trop e e se mor de fastic e avorrimente, e los donen als paubres, doncs ben fait.
Pas pro ! coma disiá la mamà.
Òsca a els. Avèm veraiament besonh de nòus Robin dels bosques dins nòstre monde de merda.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari