Actualitats
Chile a votat per la fin de l’eiretatge de Pinochet
Lo 78,2% dels votaires an votat aqueste dimenge pel remplaçament de la Constitucion actuala, redigida pendent la dictatura d’Augusto Pinochet
Chile a votat dins un referendum per la fin de l’eiretatge de Pinochet. Lo 78,2% dels votaires an causit aqueste dimenge de remplaçar la Constitucion actuala, redigida pendent la dictatura d’Augusto Pinochet (1973-1990). Son las protèstas d’octòbre de 2019 qu’an fach venir possible lo referendum. Lo vòte èra previst per abril passat mas s’es reportat a causa de la pandemia de la covid-19.
E mai lo 79,24% dels chilens an tanben votat per que la nòva constitucion siá redigida solament per de ciutadans sens que i a ja de representant parlamentari. Per aquesta segonda question, se prepausava doas possibilitats: una Convencion Constitucionala que foguèsse formada d’un cent per cent de ciutadans elegits amb aquela tòca, o ben una Convencion Mixta Constitucionala que la mitat dels membres ne foguèsson de parlamentaris.
Ara, l’organ constituent de ciutadans aurà per sola tòca de redigir la Constitucion, e se dissolverà quand aurà acabat son prètzfach. Lo borrolhon se deurà sometre a referendum en 2022 e alavetz lo vòte serà obligatòri.
Pertot en Chile e dins las comunautats de chilens de fòrça païses del Mond, son a festejar per carrièras lo resultat del referendum que permet a aquel pòble d’America del Sud d’abolir, enfin, una Constitucion facha en 1980 en plena dictatura militara e coneguda coma la Lei Pinochet.
E mai lo 79,24% dels chilens an tanben votat per que la nòva constitucion siá redigida solament per de ciutadans sens que i a ja de representant parlamentari. Per aquesta segonda question, se prepausava doas possibilitats: una Convencion Constitucionala que foguèsse formada d’un cent per cent de ciutadans elegits amb aquela tòca, o ben una Convencion Mixta Constitucionala que la mitat dels membres ne foguèsson de parlamentaris.
Ara, l’organ constituent de ciutadans aurà per sola tòca de redigir la Constitucion, e se dissolverà quand aurà acabat son prètzfach. Lo borrolhon se deurà sometre a referendum en 2022 e alavetz lo vòte serà obligatòri.
Pertot en Chile e dins las comunautats de chilens de fòrça païses del Mond, son a festejar per carrièras lo resultat del referendum que permet a aquel pòble d’America del Sud d’abolir, enfin, una Constitucion facha en 1980 en plena dictatura militara e coneguda coma la Lei Pinochet.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquesta si qu' es bona, encara i avia la constitucioneta del Pinochio ?
Meravilhosa nòva! Esperi qu'inscriuran dins lor novèla constitucion de mecanisme de contraròtle suls elegits amai las quitas decisions dirèctament. Que ie aja pus jamai de violencias policièiras tant coma las de l'an passat en aqueste pais, ambe de centenas de mutilacions.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari