Actualitats
Lo Collectiu Contra l’Islamofobia en França se vòl internacionalizar davant las menaças de l’estat
Pel CCIF, la menaça del ministre es una vertadièra “denegacion politica e institucionala del racisme antimusulman”
Lo Collectiu Contra l’Islamofobia en França (CCIF) a anonciat son intencion d’”internacionalizar sas activitats” après que lo ministre francés de l’Interior, Gérald Darmanin, lo menacèt de dissolucion. L’endeman de l’òrre assassinat de Samuel Paty, lo ministre aviá considerat de dissòlver lo CCIF en l’acusant d’èsser “manifèstament implicat” dins crime. Lo CCIF reconeis que foguèt contactat pel paire de familha acusat d’aver orquestrat la campanha contra Paty sus Internet, mas aforís que faguèt pas res per manca de temps per verificar se l’afar èra dins son camp de competéncia, çò rapòrta Libération.
Pel CCIF, la menaça del ministre es una vertadièra “denegacion politica e institucionala del racisme antimusulman”, e mai “adreiça un messatge terrible als ciutadans de confession musulmana”. En reaccion, lo CCIF a “activat un plan d’amplor que permet de desplegar una larga part de (sas) activitats a l’estrange”.
Segon lo director del CCIF, Jawad Bachare, l’internacionalizacion del collectiu respond a una volontat de seguretat. “Recebèm de menaças anonimas, de corrièrs, es impressionant”, çò ditz Bachare a Libération. Aquelas menaças, las amassan e las senhalan a las autoritats. “Cal que l’estat nos protegisca, mas al luòc d’aquò lo ministre de l’Interior nos bandís dins una vendeta”.
La setmana passada, lo ministèri de l’Interior aviá indicat que la procedura de dissolucion del CCIF requerís un decret en conselh dels ministres. Aquel decret se fondarà sus l’“apologia del terrorisme”, los “òdis identitaris e religioses” e “çò que tòca a l’òrdre public”.
Pel CCIF, la menaça del ministre es una vertadièra “denegacion politica e institucionala del racisme antimusulman”, e mai “adreiça un messatge terrible als ciutadans de confession musulmana”. En reaccion, lo CCIF a “activat un plan d’amplor que permet de desplegar una larga part de (sas) activitats a l’estrange”.
Segon lo director del CCIF, Jawad Bachare, l’internacionalizacion del collectiu respond a una volontat de seguretat. “Recebèm de menaças anonimas, de corrièrs, es impressionant”, çò ditz Bachare a Libération. Aquelas menaças, las amassan e las senhalan a las autoritats. “Cal que l’estat nos protegisca, mas al luòc d’aquò lo ministre de l’Interior nos bandís dins una vendeta”.
La setmana passada, lo ministèri de l’Interior aviá indicat que la procedura de dissolucion del CCIF requerís un decret en conselh dels ministres. Aquel decret se fondarà sus l’“apologia del terrorisme”, los “òdis identitaris e religioses” e “çò que tòca a l’òrdre public”.
How Muslims are targeted with Islamophobia in France: pic.twitter.com/5WL4bn6XiP
— CJ Werleman (@cjwerleman) October 28, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Fai quauquas annadas, en convidar l'Hani Ramadan per animar sas conferenças, lo CCIF nos desvelèt sa fàcia vertadèira d'associacion politica pròcha daus Fraires Musulmans. Convidar quel òme es pas una acta de ren ! Se chau bien soventar coma l'Hani Ramadan parlèt de las femnas pas veladas en las comparar embé de pèças de 2€ que passan d'una man en l'autra... Lo projèct ideologic d'aquela associacion es en contradicion priònda embé ce que chantèron nòstes bons trobadors travès los sègles. Aitanben, amariá ben saubre ce que pòdon pensar tot aquelh monde dau paratge e dau fin'amor que celèbran los principes d'egaletat entre los òmes e las femnas, tè !
#7https://www.lexpress.fr/actualite/societe/nice-de-nombreux-catholiques-pensent-que-l-on-sous-estime-les-violences-antichretiennes_2137563.html
#2 Dins lo Tarn, la catedrala de La Vaur foguèt vandalizada, mès pas per de rasons religiosas, çò sembla. Juste per bestiesa, per dos jovenòts desobrats. Per quant a la capèla del pic sant-Lop, al nòrd de Montpelhièr, se pòt pas saure se i a un ligam ambe la radicalizacion terrorista. Porria tanplan èstre un atèu "brafaire de curats". Segurament qu'es pariu dins la majoritat dels cases. Quora s'agis d'un acte d'islamisme politic, plan sovent, es reinvindicat ja que l'objectiu es terrorizar. Cal pas tot mesclar e creire que d'islamistas pican cada jorn.
8132 Fichiers « S », son maites que los occitanistas pecaire !
#2 O diguèri dejà mas i torni: Los crestians sèm pas una minoria religiosa, a mai la màger partida dels que profanan de luòcs crestians son pas de fisèls d'autras religions. S'agís pas de radicalitat religiosa, de racisme o de xenofobia sistematics.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari