capçalera campanha

Actualitats

InternacionalPoliticaSocietat

Catalonha: detencion de 21 ciutadans acusats de finançar l'independentisme

Los detenguts son de caps d'enterpresas o d'ancians elegits, acusats d’aver finançat l'exili de Carles Puigdemont e lo Tsunami Democratic

Contunha la repression contra l'independentisme catalan. La Gàrdia Civila detenguèt ièr de matin 21 ciutadans pròches del partits independentistas catalans e realizèt d’escorcols en 31 domicilis. Los detenguts son de caps d'enterpresas o d'ancians elegits qu'aurián finançat las seleccions esportivas catalanas. Los acusan d’aver finançat l'exili de Carles Puigdemont e lo Tsunami Democratic. Riscan d'èsser jutjats per malversacion, blanquiment d'argent e prevaricacion.
 
Lo Tsunami Democratic foguèt un movement ciutadan que se bastiguèt per protestar contra la senténcia que condemnèt los presonièrs politics catalans. Foncionava sus Internet per mejan d’un canal de Telegram e coordenava los activistas per mejan d’una aplicacion de telefòn mobil. Sa tòca èra de coordenar de protèstas massissas contra la repression politica que la patís l’independentisme catalan. La justícia espanhòla dobriguèt una enquista contra el en l’acusant de terrorisme.
 
D’acamps de protèsta se tenguèron sus las plaças de la majoritat de las vilas e vilatges de Catalonha 
 

Lo jutge considèra que lo Kremlin es darrièr lo procès catalan
 
Lo jutge qu’a ordenat l’operacion pensa que lo Kremlin participa al procès independentista catalan. Lo dorsièr rapòrta qu’un dels detenguts tenguèt una reünion amb Julian Assange l’11 de setembre de 2017 a l’ambaissada de l’Eqüator a Londres, çò rapòrta El Món. Segon aquel rapòrt, la tòca de la reünion èra d’establir de “campanhas de comunicacion, desinformacion e destabilizacion ont tanben auriá participat lo govèrn del Kremlin coma part de son raconte general sus l’Union Europèa, qu’es a mand de s'afondrar, segon lo principal messatge dels mèdias contrarotlats pel Kremlin: RussiaToday e Sputnik”. A mai, lo mandat judiciari apond que “la cap-editritz d’aqueles mèdias e persona pròcha de Vladimir Putin, Margarita Simonyan, es tanben editritz justament de Julian Assange e d’Edward Snowden”.


Responsa ironica de l’ambaissada russa 
 
De ser, l’ambaissada russa a Madrid respondèt a aquelas informacions amb ironia. Sus Twitter publiquèt:  
 
«Atencion: l’informacion publicada suls mèdias espanhòls sus l’arribada de 10 000 soldats russes en Catalonha es incompleta. Cal apondre dos zèros al nombre de soldats e çò qu’es pus frapant d’aquela conspiracion: las tropas deurián èsser transportadas per d’avions Mosca e  Chato, assemblats d'escondons  en Catalonha pendent la Guèrra d'Espanha, dins un endrech segur de las montanhas catalanas fins que recépian per mejan d’aquelas publicacions l’òrdre chifrat d’agir.»
 

Reaccions:

 
 




abonar los amics de Jornalet

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Pitaluga
2.

I a pas de dobte : la democracia avança en Espanha. Stalin e Beria fasguèron pas mièlhs.

  • 2
  • 2
francesc palma
1.

Totas aquestas accions folhas sense sentit, las fan las forcas peperas de las merderas de l'estat, per enemistar lo Govern central e lo Catalans. Mas no los an de far ni puta cas !

  • 7
  • 0

Escriu un comentari sus aqueste article