Actualitats
Segond confinament dins tot lo país, franc d’Aran e de las Valadas
Macron a anonciat un confinament mens dur que lo de la prima, e mai aja reconegut que la situacion ara es pièger
Tota Occitània, franc d’Aran e de las Valadas (per ara), se deu reconfinar a partir de deman a mièjanuèch, o anoncièt ièr de ser lo president francés, Emmanuel Macron, dins una seguida de mesuras de lucha contra la covid-19. Lo segond confinament de l’estat francés es mens estricte que lo de la prima, e mai Macron diguèsse que la situacion ara es pièger.
Son dobèrtas las escòlas, los collègis, los licèus e las grèpias amb un refortiment dels protocòls sanitaris. Tanben son dobèrts los cementèris per Martror e los comèrcis essencials, e se permetrà las vesitas dins las residéncias d’ancians. Per contra, las universitats son tampadas e foncionan a distància. Los comèrcis considerats coma non essencials, ansin coma los bars e restaurants, son barrats e se permet pas la mobilitat entre regions. A mai, França daissa barradas las frontièras exterioras a l’UE, mentre que demòran dobèrtas las de l’espaci Schengen.
La tòca es d’evitar lo pic de la prima passada dins los servicis de reanimacion dels espitals, que dins las circonstàncias actualas èra previst dins los 15 jorns avenidors. Uèi, lo primièr ministre, Jean Castex, detalharà las anóncias presidencialas davant las doas cambras del parlament.
En pensant a l’economia e a Nadal
Lo confinament èra la mesura que la voliá lo ministre de la santat e, de fach, los mètges. Ça que la, los ministres de l’Interior e de l’economia preferissián d’avançar lo cobrifuòc, qu’ara es de 21h a 6h.
Lo govèrn de Castex crei que lo nòu confinament faga tombar lo PIB d’un 2% o 2,5%. Per aquela rason, Macron diguèt dins son discors de ièr de ser que l’economia “se deu pas arrestar ni enfonzar”. Lo president francés reconeguèt la dificultat de la situacion e afortiguèt que gardava “l’espèr de celebrar en familha Nadal e las fèstas de fin d’annada”.
Son dobèrtas las escòlas, los collègis, los licèus e las grèpias amb un refortiment dels protocòls sanitaris. Tanben son dobèrts los cementèris per Martror e los comèrcis essencials, e se permetrà las vesitas dins las residéncias d’ancians. Per contra, las universitats son tampadas e foncionan a distància. Los comèrcis considerats coma non essencials, ansin coma los bars e restaurants, son barrats e se permet pas la mobilitat entre regions. A mai, França daissa barradas las frontièras exterioras a l’UE, mentre que demòran dobèrtas las de l’espaci Schengen.
La tòca es d’evitar lo pic de la prima passada dins los servicis de reanimacion dels espitals, que dins las circonstàncias actualas èra previst dins los 15 jorns avenidors. Uèi, lo primièr ministre, Jean Castex, detalharà las anóncias presidencialas davant las doas cambras del parlament.
En pensant a l’economia e a Nadal
Lo confinament èra la mesura que la voliá lo ministre de la santat e, de fach, los mètges. Ça que la, los ministres de l’Interior e de l’economia preferissián d’avançar lo cobrifuòc, qu’ara es de 21h a 6h.
Lo govèrn de Castex crei que lo nòu confinament faga tombar lo PIB d’un 2% o 2,5%. Per aquela rason, Macron diguèt dins son discors de ièr de ser que l’economia “se deu pas arrestar ni enfonzar”. Lo president francés reconeguèt la dificultat de la situacion e afortiguèt que gardava “l’espèr de celebrar en familha Nadal e las fèstas de fin d’annada”.
Adresse aux Français. https://t.co/0ODYwPMAbF
— Emmanuel Macron (@EmmanuelMacron) October 28, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cada generació es traça un nou ordre mundial. Es va fer al Tractat de Versalles, a la Conferència de Ialta, a la de Malta (al final de la Guerra Freda) i es fa ara que s'acaben les energies no renovables.
Segond confinament en França.
Previst fins al 1er de decembre enclaus.
Qual sap se los terroristas van garnir la derogacion ?... Grand pena.
Sabe pus a quala ocasion, Diu volia punir los umans. La sainta Viergea Maria intervenguet e Diu attenuet sas decisions. E ben emben Macron la sta Viergea quò es las protestas que son de mai en mai nombrosas e que venan de tots los biais; das medecins; daus avocats, daus policiers, daus militaris, dau MEDEF e de tartanpion.
Quò es que lo discors de Macron passa de mens en mens entre las stastisticas manipuladas, des las mesuras politicas dignas d'una nomenclatura, dau confinament, dau cobra-fuoc, de la censura, daus messonjas d'estat e daus grands medias. Macron es un grand sorcier que contròle la regression economica, (solament 1 à 2%) alaidonc que los uns paraln d'un efondrament economic de França e de tot l'Euròpe.
Ren vai pus au pais de Mme la marquisa.
Per Jornalet, una sola pausicion : bè, bè..bè...bè...comportam-nos coma de las auvelhas.
Tornarem pas al bòsc, nos an tancat las pòrtas, fraire lo cap me dòl !
Escota-plan mon fraire, lo sòmi que m'an fait,
Escota-plan mon fraire, un sòmi de damnat.
Tornarem pas al bòsc, nos an tancat las pòrtas, fraire lo cap me dòl !
(Claudi Marti, Lo Sòmi )
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari