capçalera campanha

Actualitats

InternacionalPoliticaSocietat

Erdoğan en colèra per sa caricatura que la publica Charlie Hebdo

A anonciat d’accions legalas. Ditz qu’es “una ataca ignòbla” e mai afortís que los païses occidentals vòlon “relançar las crosadas”

Lo president de Turquia, Recep Tayyip Erdoğan, a anonciat qu’entreprendriá las “accions legalas e diplomaticas necessàrias” contra Charlie Hebdo, qu’a publicat una caricatura d’el. Per ara, a dobèrt una procedura dins lo ministèri public turc per un delicte “d’insultes al cap de l’estat”. Lo dessenh, publicat sus la primièra pagina del setmanièr francés, mòstra Erdoğan assetat sus un cadieral a levar lo vestit d’una femna en s'exclamant “Ò, lo profèta!” del temps que li agacha lo tafanari. Lo gròs títol ditz: “Erdoğan. En privat, es fòrça amusant”.
 
Un pòrtavotz del govèrn turc a dich o a qualificat de “racisme cultural”, e lo quite Erdoğan ditz qu’es “una ataca ignòbla” en apondent que los païses occidentals vòlon “relançar las crosadas”.
 
 
Boicòt dels produches franceses
 
Tot aquò arriba a un moment ont las relacions diplomaticas entre França e Turquia son pas bonas e mai los dos païses fagan partida de l’OTAN. Aquesta setmana, Erdoğan a demandat de boicotar los produches franceses en afirmant que lo president francés, Emmanuel Macron, es un “malaut mental” e un “islamofòb”.
 
D’un caire, Erdoğan o assolida en seguida de l’idèa de Macron de far una lei contra “lo separatisme” e tanben perque lo president francés defendèt la libertat de publicar de caricaturas de Maomet durant l’omenatge nacional a Samuel Paty, l’ensenhaire crusèlament assassinat lo 16 d’octòbre passat per un jove jihadista, qu’aviá mostradas aquelas caricaturas dins una leiçon sus la libertat d’expression.
 
D’autre caire, cal prene en compte que Macron es un dels caps d’estat occidentals que s’opausan amb mai de fermetat a la politica expansionista turca.
 
 
Reaccion de l’Elisi
 
De son costat, l’Elisi a anonciat que prepausariá una “reaccion fòrta” contra Turquia al Conselh Europèu de decembre. Tanben pensa de demandar de sancions per combatre l’estrategia turca de “multiplicar las provocacions”.
 
Dimècres, Danemarc e Índia manifestèron lor sosten a França a respècte dels prepauses d’Erdoğan.


 


abonar los amics de Jornalet

 


 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

francesc palma
17.

Aquesta caricatura no ataca a la religion dels musulmans e trobi que té la seva gràcia, per un cop cresi qu' aquesta colhonada de revista té gràcia.

  • 1
  • 1
Durruti Barcelona
16.

#14 Dins lor vision de la republica, i a pas qu'una lenga possibla dins l'espaci public e aquò es precisament tota l'esséncia colonialista e autoritarista de lor movement, subre aqueste punt clarament eiretièr de l'estalinisme. L'esquèrra vertadièra partís de la basa qu'es lo public, non pas la vision que n'an qualques colhons pretencioses. E los pòbles son las lengas. Al plural.

  • 14
  • 1
ltrobat
15.

#14
https://www.letelegramme.fr/ar/viewarticle1024.php?aaaammjj=20011205&article=3658205&type=ar

Qu'ei sustot mei ipocrite que los autres.
La mei bona faiçon de tuar ua lenga, qu'ei de l'embarras dens l'espaci privat. Ua lenga qui n'a pas nada reconeishéncia publica que's moreish.

  • 13
  • 0
Maignial Galhac
14.

#11 Al contrari de fòrça autres "republicans", Mélenchon mespresa pas l'occitan, qu'a ja qualificat de "polida lenga". E certes "insoumis" la parlan en privat, tant coma Alexis Corbière e coma Valls o fa ambe lo catalan. Mès dins lor vision de la republica, i a pas qu'una lenga possibla dins l'espaci public, pecaire!

  • 2
  • 8
Professor Choron ( Dich Mossur "Que crèban !") Paris, Ciutat Universala
13.

#11 Per t'iniciar als lums de l'umor parisenc laïc e republican, manhac !

  • 11
  • 0

Escriu un comentari sus aqueste article