Comencèt anuèch lo segond confinament dins l’estat francés que durarà almens fins al 1r de decembre. Qualques oras abans, la vila de París e tota sa region avián enregistrat un tap automobil de 711 quilomètres que saturèt totas las estradas. Lo confinament començava a mièjanuèch, los problèmas de circulacion se concentrèron entre 18h e 20h.
 
Aquel aument del trafec se poiriá explicar per las sortidas dels parisencs que volián evitar un confinament en vila, e tanben pel retorn de las vacanças escolaras. Pasmens, de soslinhar que i aguèt un engorgament estradièr similar en març passat abans lo primièr confinament e, segon qualques expèrts, la diaspòra parisenca disseminèt la malautiá per tot l’Exagòn. Per aquela rason, fòrça ciutadans franceses critiquèron la mobilitat dels parisencs.
 
Cal tanben soslinhar qu’aqueste còp, lo confinament es estat fòrça pus contestat pels ciutadans que lo de la prima e que d’acamps de protèsta se son tenguts un pauc pertot abans d’èsser dissolguts còp sec per la polícia .

 

Incredible traffic jam in Paris as people try to leave the city before 9 pm curfew and before confinement begins at midnight. Traffic is barely moving in every direction as far as the eye can see. Lots of honking and frustrated drivers. pic.twitter.com/6Zn2HCxuPl

— Michael E. Webber (@MichaelEWebber) October 29, 2020

 

Trafic impressionnant bd de Sébastopol. Courage à ceux qui bossent, et ceux qui rentrent à la maison #bouchons#Parispic.twitter.com/cad2omXsDb

— Taimaz Szirniks (@Taimaz) October 29, 2020