Actualitats
La guèrra de Mali arriba en Argeria amb un raubatòri massís de personas
L’armada francesa fa mai intensa la siá guèrra contra los islamistas en Mali. De tropas de tèrra son intradas dins los territòris contrarotlats pels islamistas. Fins ara, sonque atacavan per l’aire. Amb aquelas intervencions armadas, an pas pogut arrestar lo conflicte. Argeria, qu’aviá paur que lo conflicte l’afectèsse, n’a vistas las primièras consequéncias. Ièr dimècres, aperaquí 400 personas foguèron raubadas dins una installacion gasièra.
Los raubaires an demandat la fin de la “brutala agression” francesa en Mali e an avertit que França e los autres païses seràn “los responsables” de çò qu’arribarà als 41 ostatges que tenon raubats, se se complís pas las lors demandas, segon un messatge qu’an mandat a l’agéncia mauritana d’informacions ANI.
L’agression, l’a revendicada Mukhtar Balmukhtar, cap d’una faccion devesida d’Al Qaida del Magrèb Islamic (AQMI), que sos membres son coneguts per de nombroses raubatòris e per aver atacat lo rali París-Dakar.
Segon las nòstras informacions, inicialament volián capturar un autobús de trabalhadors d’un potz de gas, mas en capitar pas gràcias a l’escòrta, se son enanats a un sit gasièr del grop britanic BP, a In Aminas, a 1300 quilomètres al sud-èst d’Argièr, près de la frontièra amb Libia. Ailà, an raubat 41 trabalhadors estrangièrs e aperaquí 350 trabalhadors argerians que pauc après son estats liberats.
En aqueste moment, i a doas personas mòrtas, un ciutadan argerian e un ciutadan britanic.
Demest lo 41 raubats, i a 7 estatsunidencs, 13 norvegians e qualques ciutadans britanics, franceses e japoneses. Per ara, lo Reialme Unit, los Estats Units e Norvègia an confirmat la sequestracion de ciutadans dels lors estats. Lo secretari de la defensa dels Estats Units, Leon Panetta, a declarat qu’“aquela guèrra es pas sonque de França”.
Segon las autoritats argerianas, los raubaires son un vintenat d’òmes venguts “de la region”, en desmentissent aital que sián arribats de Mali o de Libia. Tanben an raportat que l’objectiu dels raubaires es de sortir del país amb los ostatges.
Aquel atac fa realitat una de las possibilitats mai negativas e temudas del conflicte: que la violéncia anèsse mai enlà de las frontièras de Mali, çò que l’Estat francés considerava que se podiá passar.
Los raubaires an demandat la fin de la “brutala agression” francesa en Mali e an avertit que França e los autres païses seràn “los responsables” de çò qu’arribarà als 41 ostatges que tenon raubats, se se complís pas las lors demandas, segon un messatge qu’an mandat a l’agéncia mauritana d’informacions ANI.
L’agression, l’a revendicada Mukhtar Balmukhtar, cap d’una faccion devesida d’Al Qaida del Magrèb Islamic (AQMI), que sos membres son coneguts per de nombroses raubatòris e per aver atacat lo rali París-Dakar.
Segon las nòstras informacions, inicialament volián capturar un autobús de trabalhadors d’un potz de gas, mas en capitar pas gràcias a l’escòrta, se son enanats a un sit gasièr del grop britanic BP, a In Aminas, a 1300 quilomètres al sud-èst d’Argièr, près de la frontièra amb Libia. Ailà, an raubat 41 trabalhadors estrangièrs e aperaquí 350 trabalhadors argerians que pauc après son estats liberats.
En aqueste moment, i a doas personas mòrtas, un ciutadan argerian e un ciutadan britanic.
Demest lo 41 raubats, i a 7 estatsunidencs, 13 norvegians e qualques ciutadans britanics, franceses e japoneses. Per ara, lo Reialme Unit, los Estats Units e Norvègia an confirmat la sequestracion de ciutadans dels lors estats. Lo secretari de la defensa dels Estats Units, Leon Panetta, a declarat qu’“aquela guèrra es pas sonque de França”.
Segon las autoritats argerianas, los raubaires son un vintenat d’òmes venguts “de la region”, en desmentissent aital que sián arribats de Mali o de Libia. Tanben an raportat que l’objectiu dels raubaires es de sortir del país amb los ostatges.
Aquel atac fa realitat una de las possibilitats mai negativas e temudas del conflicte: que la violéncia anèsse mai enlà de las frontièras de Mali, çò que l’Estat francés considerava que se podiá passar.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un assaut a la Russa...
14:26 L'armada argeriana a atacat lo sit ont i aviá los ostatges. Segon las darrièras informacions, 34 ostatges e 15 raubaires son estats tuats.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari