Actualitats
Cors en linha: Joan Bodon e son temps
A l’ocasion del centenari de l’escrivan occitan, lo CAÒC organiza un cors sus aquel grand autor en cinc sesilhas de doas oras
A l’ocasion del centenari de Joan Bodon, lo Comitat d’Afrairament Occitanocatalan (CAÒC) organiza un cors sul grand escrivan occitan. En cinc sesilhas de doas oras fachas per videoconferéncia, lo cors seguirà l’evolucion dins lo temps de l’òbra de Bodon e comprendrà de cronologias, dorsièrs e audicions, en mai de la projeccion de materials audiovisuals. L’ensenhaire es Jaume Figueras i Trull, un dels principals especialistas de literatura occitana. De soslinhar que l’11 de decembre venent, farà 100 ans que nasquèt Joan Bodon.
Las sesilhas se tendràn los 11, 18 e 25 de novembre e lo 2 de decembre de 18h30 a 20h30. A mai, es prevista una classa virtuala de sosten amb lo material del cors.
Joan Bodon es un dels autors de mai granda fama en lenga occitana. Nasquèt en 1920 al sen d’una familha modèsta en Crespinh (Segalar Roergàs), filh de Ciprian Bodon e d’Albania Balsà, parenta alonhada de l’escrivan francés d’origina occitana Honoré de Balzac, linhatge al qual Bodon consagrèt son primièr roman.
Escriguèt de romans en pròsa, de contes e tanben de poèmas, sovent adaptats en cançons. Son òbra faguèt virar l’estetica e l’etica de la literatura occitana devèrs una modernitat de l’escritura. Bodon met en scèna lo destin, sovent tragic, de la civilizacion occitana e dels òmes, en adusent qualque nuança autobiografica de son patiment durant la guèrra e de sa deportacion a Breslau. Dins l’universalitat de sos tèmas s’amaga una descripcion detalhada de la civilizacion occitana. Tracta en general los problèmas de l’òme occitan que se vòl integrar dins la civilizacion modèrna sens renegar son identitat.
Cors en linha: Joan Bodon e son temps
— 4 de novembre, 11 de novembre, 18 de novembre, 25 de novembre e 2 de desembre de 2020 de 18h30 a 20h30
— Sesilhas per videoconferéncia amb lo sosten d’una classa virtuala
— Exigéncias tecnicas
— Professor: Jaume Figueras i Trull
— Descargatz lo programa e lo contengut del cors
— Inscripcions: caoc@caoc.cat
— Prètz: 45 èuros (35 pels sòcis del CAÒC)
Las sesilhas se tendràn los 11, 18 e 25 de novembre e lo 2 de decembre de 18h30 a 20h30. A mai, es prevista una classa virtuala de sosten amb lo material del cors.
Joan Bodon es un dels autors de mai granda fama en lenga occitana. Nasquèt en 1920 al sen d’una familha modèsta en Crespinh (Segalar Roergàs), filh de Ciprian Bodon e d’Albania Balsà, parenta alonhada de l’escrivan francés d’origina occitana Honoré de Balzac, linhatge al qual Bodon consagrèt son primièr roman.
Escriguèt de romans en pròsa, de contes e tanben de poèmas, sovent adaptats en cançons. Son òbra faguèt virar l’estetica e l’etica de la literatura occitana devèrs una modernitat de l’escritura. Bodon met en scèna lo destin, sovent tragic, de la civilizacion occitana e dels òmes, en adusent qualque nuança autobiografica de son patiment durant la guèrra e de sa deportacion a Breslau. Dins l’universalitat de sos tèmas s’amaga una descripcion detalhada de la civilizacion occitana. Tracta en general los problèmas de l’òme occitan que se vòl integrar dins la civilizacion modèrna sens renegar son identitat.
Cors en linha: Joan Bodon e son temps
— 4 de novembre, 11 de novembre, 18 de novembre, 25 de novembre e 2 de desembre de 2020 de 18h30 a 20h30
— Sesilhas per videoconferéncia amb lo sosten d’una classa virtuala
— Exigéncias tecnicas
— Professor: Jaume Figueras i Trull
— Descargatz lo programa e lo contengut del cors
— Inscripcions: caoc@caoc.cat
— Prètz: 45 èuros (35 pels sòcis del CAÒC)
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Soi un afogat dels corses de Jaume Figueras e Aïtor Carrera a l'Universitat Catalana d'Estiu de Prada de Conflent . Soi pivelat par l'erudicion del Jaume sus la lenga, l'istòria, la literatura , la cultura e las costumas occitanas et sustot per sa capacitat a parlar naturalament ambe fluïdesa tots los dialectes occitans, ambe l'accent requist de cadascun. Mai ai trobat aquò en çò dels locutors d'Occitània granda, i comprés en çò dels professors d'universitat d'occitan !.
i a a Catalonha una escòla d'especialistas de l'occitan de primera e pas sonque en aranés. Es un exemple de seguir per tots los occitans
Som legit un libre de Bodon e m'agradet plan. Un bon escrivan sensible que contava las causas de son terrador amb amor. Edavant a tota maquina lo cors !
#3 Mercé plan e felicitacions.
Lo cors se passa mai que tot en catalan, per çò que son las explicacions. Los cinquanta tèxtes qu'anam legir son totes en occitan, va sens dire, ambe de nòtas lexicas en catalan, tot aital coma lo dorsièr sus la vida e l'òbra de Bodon. Çò qu'empachatà pas de passar a l'occitan, quand tombarà, a l'agrat de la matèria, mai que mai a l'ocasion del Power Point que dobrís cada session, qu'es tanben en occitan, e per la finida d'aquelas sessions.
Los escolans son al mai sovent de catalans que lors coneissenças d'occitan lor permeton de comprene la lenga a l'escrit, mas pas tant aisidament a l'oral. Donc, passam d'una lenga a l'autra sens que res siá estat prefixat, pel plaser de la far petar...
Quand disi de la far petar, es al sens de la far clantir, de nos congostar a la far viure...
Lo cors se passa mai que tot en catalan, per çò que son las explicacions. Los cinquanta tèxtes qu'anam legir son totes en occitan, va sens dire, ambe de nòtas lexicas en catalan, tot aital coma lo dorsièr sus la vida e l'òbra de Bodon. Çò qu'empachatà pas de passar a l'occitan, quand tombarà, a l'agrat de la matèria, mai que mai a l'ocasion del Power Point que dobrís cada session, qu'es tanben en occitan, e per la finida d'aquelas sessions.
Los escolans son al mai sovent de catalans que lors coneissenças d'occitan lor permeton de comprene la lenga a l'escrit, mas pas tant aisidament a l'oral. Donc, passam d'una lenga a l'autra sens que res siá estat prefixat, pel plaser de la far petar...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari