Actualitats
Beirot: una estatua de remembre facha amb los degalhs de l’explosion
L’òbra es d’Hayat Nazer, una artista e activista libanesa
An dreiçat a Beirot una estatua en remembre de las victimas de la granda explosion del 4 d’agost passat, que daissèt environ 200 mòrts e mai de 6000 nafrats. Se tracta d’un monument que representa una femna amb lo pèl al vent a portar una bandièra libanesa amb quitament un relòtge al pè que marca 6h08, l’ora de l’explosion. L’estatua es facha sonque amb los tarcums de l’explosion: de veires brigalhats, de tròces de metal tòrses... L’òbra es d’Hayat Nazer, una artista e activista libanesa.
L’explosion se passèt quand Hayat Nazer èra sul camin de Beirot. Alavetz, coma tantes autres ciutadans, jonguèt los que trabalhavan per netejar los degalhs e restaurar la vila.
L’explosion se passèt quand Hayat Nazer èra sul camin de Beirot. Alavetz, coma tantes autres ciutadans, jonguèt los que trabalhavan per netejar los degalhs e restaurar la vila.
“Vesitèri las personas que lors ostals èran estats destruches per l’explosion e lor demandèri: «Vòli solament que me donetz tot çò que pòsca inclure per que fagatz partida de l’escultura». Foguèri suspresa de veire de causas tan presadas coma d’objèctes de lor enfança, de lors grands qu’èran mòrts dins la guèrra civila, de causas qu’eles volián servar per lors mainats. I aguèt tot plen d’emocions”, çò a explicat l’artista a CNN.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari