Actualitats
Karabakh: un mes de guèrra e una crisi de mòrts, refugiats e subrevivéncia nacionala
Las autoritats armènias asseguran que 90 000 personas an degut fugir lo territòri. Azerbaitjan a conquistat lo 15% d’Artsakh
Mai d’un milièr de mòrts, de desenas de milièrs de refugiats e un estat de facto, Artsakh, en perilh de subrevivéncia: es lo resultat del primièr mes de guèrra en Karabakh, començada per las fòrças azèris amb la tòca proclamada de prene lo contraròtle d’aquel territòri de majoritat armènia.
Dempuèi lo 27 de setembre, l’armada d’Azerbaitjan a conquistat environ lo 15% del territòri que, fins a l’estiu, èra entre las mans de la Republica d’Artsakh. S’es sarrada a pauques quilomètres del dich corredor de Lachin, una rota que jonh lo Naut Karabakh estricte —es a dire la zòna reconeguda coma oblast autonòm pendent l’epòca sovietica, ont viu l’immensa majoritat de la populacion— amb Armenia. La pèrda d’aquel corredor seriá un desastre, al nivèl estrategic, per las fòrças armènias.
La majoritat dels territòris conquistats per Azerbaitjan pendent aqueste mes èran poblats d’azèris abans lo conflicte de 1992-1994. Las avançadas de l’armada azèri desencadenan de celebracions entre aquelas personas que, dos decennis e mièg puèi, contunhan de viure coma de desplaçats intèrnes en Azerbaitjan.
Las fòrças armènias an reconegut la pèrda d’aperaquí 1000 vidas demest lors combatents. Azerbaitjan non a pas publicat de donadas. Segon lo president rus, Vladimir Putin, moriguèron 5000 personas, amb mai de 2000 personas defuntadas de cada costat. La majoritat son de soldats, mas tanben i a de civils, un centenat almens.
Lo govèrn armèni calcula que son 90 000 las personas qu’an degut fugir Artsakh, e a denonciat la destruccion d’ostals, escòlas, espitals e infrastructuras. Lo govèrn azèri acusa las fòrças armènias d’aver destruch, tanben, d’ostals dins las localitats d’Azerbaitjan pròchas de la frontièra amb Artsakh.
Una republica en perilh
La superioritat militara azèri, lo desequilibri dels sostens regionals en favor d’Azerbaitjan e una timida reaccion internacionala qu’arriba quitament pas d’impausar d’altas al fuòc meton en perilh grèu la quita subrevivéncia de la Republica d’Artsakh. Davant l’ofensiva azèri, las autoritats d’aquel territòri de majoritat armènia an demandat la reconeissença de son independéncia.
Lo president azèri, Ilham Aliev, a tornat dire que son armada s’arrestarà sonque quand aurà “liberat” entièrament tot Karabakh. S’aquò se passèsse, seriá la fin de la Republica d’Artsakh e, en tota probabilitat, la fugida en Armenia de gaireben tota sa populacion.
Las autoritats d’Artsakh espèran de poder arrestar l’ofensiva a mesura que la guèrra se desplaçarà devèrs las zònas montanhosas.
Aquesta nòva es adaptada de Nationalia, amb qui Jornalet ten un acòrdi de cooperacion.
Dempuèi lo 27 de setembre, l’armada d’Azerbaitjan a conquistat environ lo 15% del territòri que, fins a l’estiu, èra entre las mans de la Republica d’Artsakh. S’es sarrada a pauques quilomètres del dich corredor de Lachin, una rota que jonh lo Naut Karabakh estricte —es a dire la zòna reconeguda coma oblast autonòm pendent l’epòca sovietica, ont viu l’immensa majoritat de la populacion— amb Armenia. La pèrda d’aquel corredor seriá un desastre, al nivèl estrategic, per las fòrças armènias.
La majoritat dels territòris conquistats per Azerbaitjan pendent aqueste mes èran poblats d’azèris abans lo conflicte de 1992-1994. Las avançadas de l’armada azèri desencadenan de celebracions entre aquelas personas que, dos decennis e mièg puèi, contunhan de viure coma de desplaçats intèrnes en Azerbaitjan.
Las fòrças armènias an reconegut la pèrda d’aperaquí 1000 vidas demest lors combatents. Azerbaitjan non a pas publicat de donadas. Segon lo president rus, Vladimir Putin, moriguèron 5000 personas, amb mai de 2000 personas defuntadas de cada costat. La majoritat son de soldats, mas tanben i a de civils, un centenat almens.
Lo govèrn armèni calcula que son 90 000 las personas qu’an degut fugir Artsakh, e a denonciat la destruccion d’ostals, escòlas, espitals e infrastructuras. Lo govèrn azèri acusa las fòrças armènias d’aver destruch, tanben, d’ostals dins las localitats d’Azerbaitjan pròchas de la frontièra amb Artsakh.
Una republica en perilh
La superioritat militara azèri, lo desequilibri dels sostens regionals en favor d’Azerbaitjan e una timida reaccion internacionala qu’arriba quitament pas d’impausar d’altas al fuòc meton en perilh grèu la quita subrevivéncia de la Republica d’Artsakh. Davant l’ofensiva azèri, las autoritats d’aquel territòri de majoritat armènia an demandat la reconeissença de son independéncia.
Lo president azèri, Ilham Aliev, a tornat dire que son armada s’arrestarà sonque quand aurà “liberat” entièrament tot Karabakh. S’aquò se passèsse, seriá la fin de la Republica d’Artsakh e, en tota probabilitat, la fugida en Armenia de gaireben tota sa populacion.
Las autoritats d’Artsakh espèran de poder arrestar l’ofensiva a mesura que la guèrra se desplaçarà devèrs las zònas montanhosas.
Aquesta nòva es adaptada de Nationalia, amb qui Jornalet ten un acòrdi de cooperacion.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari