“Aquel jorn, se n’èra anada vendre los uòus al mercat, coma cada dijòus...”. Escrivètz la seguida abans l’11 de febrièr de 2021!

“Aquel jorn, se n’èra anada vendre los uòus al mercat, coma cada dijòus...”. Escrivètz la seguida abans l’11 de febrièr de 2021! Las bibliotècas del Lector del Val (associacion de bibliotècas de Lauragués, dins lo sud-èst tolosan) organizan lor XXIIIn concors de novèlas, dobèrt a totes e gratuit, fins a l’11 de febrièr de 2020. Per la novena annada, los escriches en lenga occitana son benvenguts gràcias a la collaboracion de l’associacion Fèsta d’Òc e de la calandreta de Castanet Tolosan.
 
Lo concors compren quatre categorias: primari, segondari, licèus, adultes (los tèxtes collectius son permeses se fan partida de l’ensenhament de tota una classa). Lo tèxt deu necessàriament començar amb la frasa çai sus. Lo genre demòra liure: fantastic, policièr, sciéncia-ficcion, istoric, romanesc, aventura, etc., o pas brica de genre que siá. Totas las variantas de la lenga d’òc son benvengudas, baste que lo participant passe l’incipit dins sa varianta pròpria. Podètz descargar lo reglament en occitan aicí.
 
Se pòt tanben participar en francés, a partir de la frasa: “Ce jour-là, elle était partie vendre ses œufs au marché, comme tous les jeudis.”
 
La remesa dels prèmis se debanarà lo 29 de mai de 2021 a la bibliotèca de Montbrun de Lauragués.
 
Per mai d’entresenhas o per obténer lo reglament: info@lecteurduval... o sus la pagina www.lecteurduval.org/310-concours-nouvelles.html, ont se fa tanben l’inscripcion.

 

"Aquel jorn, se n'èra anada vendre los uòus al mercat, coma cada dijòus..." Escrivètz la seguida (quin que siá lo vòstre dialècte) ! > Concors de novèlas en #occitan fins al 11 de febrièr de 2021 - https://t.co/YqPSGiAfpnpic.twitter.com/yglVkuSJMa

— Lecteur du Val (@lecteurduval) October 23, 2020