Etiopia a declarat la guèrra a la region de Tigrai, dins lo nòrd del país e n’a bombardat la capitala Mekele. Los combats comencèron dimècres passat, 4 de novembre, entre l’armada federala d’Etiopia e las fòrças leialas al Front de Liberacion del Pòble de Tigrai (TPLF) que govèrna la region. La guèrra arriba après una disputa politica entre lo govèrn federal d’Abiy Ahmed, qu’arunan recebèt lo prèmi Nobel de la patz, e lo TPLF, que governèt Etiopia pendent gaireben tres decennis. Se crenh un guèrra de granda escala que, segon Nationalia, poiriá derivar en un conflicte secessionista.
 
Abiy Ahmed a dich suls rets socials qu’a mandat l’armada “a la mission de salvar lo país” après que lo TPLF ataquèt doas basas militaras dins las vilas de Mekele e Dansha. Ahmed considèra ara lo TPFL coma un partit “rebèl”.
 
De son latz, lo numèro dos de l’armada d’Etiopia, Bihanu Jula, a assegurat dins una conferéncia de premsa que “lo país es intrat dins una guèrra qu’aviá pas prevista”.
 
Tigrai es una de las 12 unitats federadas d’Etiopia (deu estats regionals e doas vilas). Lo país african se regís dempuèi 1994 amb un sistèma dich de “federalisme etnic”, lo qual autreja un estat regional a las principalas nacions: oromos, amharis, tigrinhas e somalis. En Tigrai, lo 95% de la populacion fa partida del pòble tigrinha. Lo TPLF govèrna l’estat regional dempuèi sa fondacion.
 
 

#Tigray State Forces are working together with the #Ethiopian Defense Forces North Command to fight and avert the declared war on #Tigrai under the leadership of the dictator @AbiyAhmedAli of #Ethiopia and #IsaiasAfeworki of #Eritrea . #IStandWithTigray#IAmTigraypic.twitter.com/QJ2bOhbqQM

— addisonline (@aababaonline) November 5, 2020