Actualitats
Bolívia: lo president elegit es sortit escap d’un atemptat amb dinamita
L’ataca s’es producha après una tièra de mobilizacions de l’extrèma drecha qu’accèptan pas lo resultat de las eleccions
“Sèm fòrça inquiets de çò que se passa”, çò a dich lo pòrtavotz del MAS, Sebastián Michel, qu’a precisat que i a solament agut de damatges materials. Pasmens a plangut que las autoritats se sián pas prononciadas sus l’atemptat. L’ataca s’es producha aqueste divendres passat en seguida d’una tièra de mobilizacions de l’extrèma drecha que denóncian una frauda electorala a las eleccions del 18 d’octòbre passat e vòlon qu’Arce siá pas nomenat president deman.
L’èx-president Evo Morales (2006-2019) a condemnat l’atemptat e a acusat los grops de l’oposicion de voler generar “un clima de confusion e violéncia”.
Condenamos el atentado contra nuestra casa de campaña en #LaPaz. Pequeños grupos intentan generar un clima de confusión y violencia, pero no lo lograrán. Nosotros no caeremos en ninguna provocación. Nuestra revolución es pacífica y democrática.
— Evo Morales Ayma (@evoespueblo) November 6, 2020
Lo partit d’Evo Morales recupèra la presidéncia après lo còp d’estat
Luís Arce, èx-ministre d’Evo Morales, serà lo nòu president de Bolívia après ganhar la primièra eleccion presidenciala dempuèi lo còp d’estat d’arunan, quand l’oposicion, amb lo sosten de l’armada, volguèt pas reconéisser la victòria de Morales dins las urnas e que la senatritz Jeanine Añez s’autoproclamèt presidenta. Morales deguèt partir en exili e, d’Argentina estant, vegèt la justícia de son país a dobrir una enquista contra el per de presumits terrorisme e sedicion e a l’empachar de participar a las eleccions. Es per aqueta rason qu’Arce es vengut lo candidat del Movement Devèrs lo Socialisme (MAS, segon sa sigla en espanhòl). Aqueste còp, la quita Añez reconeguèt la victòria d’Arce e de David Choquehuanca, candidat a la vicepresidéncia.
En mai de la presidéncia, lo partit de Morales a ganhat tanben las eleccions legislativas, çò que lor dona una majoritat politica per revirar las politicas dels darrièrs meses. Morales a felicitat e mercejat per lors esfòrces e engatjaments Arce e Choquehuanca, mas tanben los elegits, los movements socials e los militants e simpatizants de son partit.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'extrema dreta ò melhor dit los antidemocratas aceptan pas los resultats electorals quan perden las eleccions, coma son lider lo mascle masclot Trump.
E òc, lo liberalisme evangelista estima que lo poder li reven de drech. A partir d’aquí, coma per la revolucion aquela, cal suprimir l’opausant.
Vaqui lo caratge de l'extrema drecha quora a tastat al poder: vòl pas o quitar, quune que siague la resulta de las eleccions. Es verai als estats-units, en Bolivia, en Veneçuela e lèu, en Euròpa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari