Actualitats
Vielha: se tendrà dimenge lo primièr Maraton Solidari
L’inciativa del pompièr aranés Javier Cavero beneficiarà a la Banca dels Aliments de la Val d’Aran
Los participants cromparàn lo dorsal per 5 èuros, e tanben se demanda al mond de far de dons. Tot l’argent amassat anarà a la Banca d’Aliments de la Val d’Aran, qu’en temps de covid-19 a mai de besonh de dons que jamai.
L’iniciativa de Javier Cavero a trobat lo sosten de la comuna de Vielha, del Conselh General d’Aran e dels Volontaris d’Aran.
Per i participar, se pòt crompar son dorsal divendres e dissabte que ven de 17h a 20h davant la comuna de Vielha, o ben se pòt reservar en fasent un transferiment bancari al compte: ES0900815127460001136816. Aqueste numèro de compte tanben amassa de dons.
Puèi cal mandar lo justificatiu del transferiment a eramaratonsolidaria@gmail.com, o enviar un messatge al telefòn +34 696 206 066.
Se demanda de partejar l’eveniment suls rets socials amb l’etiqueta #EraMaratonSolidària
Per mai d’informacion: http://vielha-mijaran.org/ar/noticias/766/
Volem dar es gràcies a @CaveroSaez pera sua iniciativa "Era Maraton Solidària", que s'amiarà a tèrme aguest dimenge, 15 de noveme, e qu'a coma principau objectiu ajudar ath #BancdAliments dera Val d'Aran a aquerir aqueri productes que mès de besonh an es familhes qu'en depenen pic.twitter.com/B5fh4okBkK
— Conselh Generau Aran (@conselharan) November 11, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari