Actualitats
Hong Kong: an demissionat totes los deputats pròdemocracia del Conselh Legislatiu
O an fach en seguida del fach que lo govèrn de l’èx-colonia a destituit quatre deputats per de rasons “constitucionalas, legalas, rasonablas e necessàrias”
Totes los deputats pròdemocracia (un quinzenat) del parlament local, lo Conselh Legislatiu d’Hong Kong demissionèron dimècres passat a causa de la destitucion de quatre elegits. Lo govèrn pròchinés de Carrie Lam s’es servit de la nòva lei repressiva, que s’aplica sonque dins l’èx-colònia britanica, per destituir sul pic aqueles deputats.
Los quatre deputats fasián partida de las 12 candidaturas a las legislativas d’Hong Kong que foguèron invalidadas a la fin de julhet. Aquelas eleccions, que se devián téner lo 6 de setembre, son reportadas a causa de la pandemia de la covid-19.
“Se lo respècte de las proceduras, la proteccion del sistèma e la lucha per la democracia e los dreches umans meritan l’exclusion, aquò es un onor”, çò a dich als mèdias Dennis Kwok, un dels quatre deputats expulsats.
De son caire, lo representant dels 15 parlamentaris, Wu Chi-wai, anoncièt la demission immediata de “totes los deputats pròdemocracia” en sosten a lors “collègas desqualificats”.
Aquela lei chinesa que s’aplica solament a Hong Kong dempuèi lo 1r de julhet passat cèrca de combatre “lo separatisme, lo terrorisme, la subversion e la collusion amb de fòrças exterioras e estrangièras” a Hong Kong. Permet de destituir sul pic totes los elegits que metan en perilh “la seguretat nacionala”, que refusen la sobeiranetat de China sus Hong Kong o que demanden l’intervencion de govèrns estrangièrs. A mai, permet quitament la detencion per de messatges publicats dins los rets socials. Es benlèu per aquò que los principals activistas pròdemocracia son en exili en Taiwan.
Lo Conselh Legislatiu es una sòrta de parlament local que vòta las leis a Hong Kong. Sos 70 deputats son elegits per mejan d’un sistèma complèxe que garentís tostemps una majoritat als pròchineses. Sonque 35 deputats son elegits per vòte popular del temps que los autres son elegits indirèctament per mejan de circonscripcions foncionalas basadas sul comèrci amb de sufragis limitats.
Los quatre deputats fasián partida de las 12 candidaturas a las legislativas d’Hong Kong que foguèron invalidadas a la fin de julhet. Aquelas eleccions, que se devián téner lo 6 de setembre, son reportadas a causa de la pandemia de la covid-19.
“Se lo respècte de las proceduras, la proteccion del sistèma e la lucha per la democracia e los dreches umans meritan l’exclusion, aquò es un onor”, çò a dich als mèdias Dennis Kwok, un dels quatre deputats expulsats.
De son caire, lo representant dels 15 parlamentaris, Wu Chi-wai, anoncièt la demission immediata de “totes los deputats pròdemocracia” en sosten a lors “collègas desqualificats”.
Aquela lei chinesa que s’aplica solament a Hong Kong dempuèi lo 1r de julhet passat cèrca de combatre “lo separatisme, lo terrorisme, la subversion e la collusion amb de fòrças exterioras e estrangièras” a Hong Kong. Permet de destituir sul pic totes los elegits que metan en perilh “la seguretat nacionala”, que refusen la sobeiranetat de China sus Hong Kong o que demanden l’intervencion de govèrns estrangièrs. A mai, permet quitament la detencion per de messatges publicats dins los rets socials. Es benlèu per aquò que los principals activistas pròdemocracia son en exili en Taiwan.
Lo Conselh Legislatiu es una sòrta de parlament local que vòta las leis a Hong Kong. Sos 70 deputats son elegits per mejan d’un sistèma complèxe que garentís tostemps una majoritat als pròchineses. Sonque 35 deputats son elegits per vòte popular del temps que los autres son elegits indirèctament per mejan de circonscripcions foncionalas basadas sul comèrci amb de sufragis limitats.
Mass resignations come after Hong Kong government disqualified four legislators on allegations of threatening security https://t.co/vYmBQ9TZMLpic.twitter.com/nDGOe3j5AC
— Al Jazeera English (@AJEnglish) November 11, 2020
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una polida foto d'union donant se las mans, quinze valents totsols davant lo perilh. Endavant, que açò no serà pas res, cal luitar fins al final coma fa Puigdemon a Waterloo.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari