Actualitats
Aperaquí 40 dalfins son encalats sus las plajas de Gasconha
S’agís d’un fenomèn isolat e precòç
Trenta uèch cadavres de dalfins, d’espècias que son pas encara identificadas, son estats trobats dins los tres darrièrs jorns sus las plajas de la còsta de Gasconha, dins los païses de Bug, Bòrn, Marensin e Maremna. Aital o confirmèt a Sud-Ouest, ièr, dijòus de vèspre, lo responsable del ret estatal dels encalatges, Willy Dabin, dempuèi lo Centre de Recèrca suls Mamifèrs Marins (CRMM) de La Rochèla (Charanta Maritima).
Dimècres, se descobriguèt 6 dalfins mòrts sus las còstas de Viela-Sant Gironç, 5 de mai a la plaja de Còntis, 1 sus una plaja de Senhòssa e encara un autre a Mamisan. Dijòus de matin, ne trobèron 6 a Biscarròssa, 13 a Mamisan, 1 a Còntis, 2 a Moliets e Mar e 4 encara un pauc mai al sud, a la nautor de Soston.
Segon lo CRMM, s’agís de la primièra granda onda d’encalatges de dalfins d’aqueste ivèrn sus la còsta de Gasconha. Aquel fenomèn es corrent al mes de febrièr, mas es encara tròp d’ora per ne determinar las causas. Pendent las setmanas passadas, s’es observat sonque de joves fòcas grisas en sofrença sus la còsta atlantica d’Occitània e lo CRMM las a secorregudas.
Dimècres, se descobriguèt 6 dalfins mòrts sus las còstas de Viela-Sant Gironç, 5 de mai a la plaja de Còntis, 1 sus una plaja de Senhòssa e encara un autre a Mamisan. Dijòus de matin, ne trobèron 6 a Biscarròssa, 13 a Mamisan, 1 a Còntis, 2 a Moliets e Mar e 4 encara un pauc mai al sud, a la nautor de Soston.
Segon lo CRMM, s’agís de la primièra granda onda d’encalatges de dalfins d’aqueste ivèrn sus la còsta de Gasconha. Aquel fenomèn es corrent al mes de febrièr, mas es encara tròp d’ora per ne determinar las causas. Pendent las setmanas passadas, s’es observat sonque de joves fòcas grisas en sofrença sus la còsta atlantica d’Occitània e lo CRMM las a secorregudas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari