Lo dictator d’Azerbaitjan, İlham Əliyev, a demandat se Catalonha aviá lo drech d’autodeterminacion dins una entrevista a la television facha per Vice. Quand la jornalista l’a interrogat sul drech d’autodeterminacion del Naut Karabakh, Əliyev a evitat de li respondre mas a pres l’exemple del refús de l’estat espanhòl de daissar a Catalonha lo drech de s’autodeterminar.
 
Es pas lo primièr còp que se pren l’exemple de la politica repressiva d’Espanha envèrs Catalonha. En setembre passat, Ongria acusèt Brussèlas de far dos peses, doas mesuras amb Polonha e Espanha. Lo minstre ongrés dels afars estrangièrs assegurava qu’Espanha teniá la meteissa regulacion que Polonha a prepaus del foncionament de la judicatura e se demandava: “S’una causa es bona en Espanha, perqué es marrida en Polonha?”.
 
Tanben arunan, lo ministre de l’Interior de Turquia preniá Espanha per exemple. Coma Turquia veniá de remplaçar e deténer tres cònsols màgers de tres vilas de Curdistan, aquel ministre o justifiquèt en disent qu’Espanha tanben arrèsta los elegits catalans. “E mai i aja pas agut cap d’acte violent, dotze elegits catalans son estats jutjats per de delictes de destruccion de l’òrdre constitucional per violéncia e desobesissença”, çò afirmava Soylu dins un rescontre amb de jornalistas.

 
 

 

El canal de notícies internacional Vice entrevista al cap d’estat d'Azerbaidjan i li pregunten si el poble de l’Alt Karabakh té dret a l'autodeterminació.

Resposta: "Té Catalunya dret a l'autodeterminació?". Espanya i Azerbaidjan, mateix patró autoritari. pic.twitter.com/pMPqhFg6o0

— Joan Mangues (@jmangues) November 16, 2020