De manifestacions contra la dicha “Lei de seguretat globala” aguèron luòc dissabte passat dins las principalas vilas d’Occitània e de tot l’estat francés. Protestavan contra una lei aprovada divendres per l’Assemblada Nacionala francesa que, segon lo govèrn, cèrca de garentir l’integritat fisica e psicologica dels policièrs e gendarmas.
 
De fach, l’article 24 es al centre de la polemica. Segon aquel article es enebida la difusion d’imatges de la cara de las fòrças de l’òrdre en accion jos pena de fins a un an de preson e de multas de 45 000 èuros. De jornalistas e de fotografes, amb lo sosten d’organizacions politicas e de sindicats d’esquèrra, denóncian una violacion de la libertat de premsa e un ensag d’empachar de documentar las pròvas de las violéncias policièras, que dins l’estat francés son a prene de dimensions fòrça inquietantas.
 
Fàcia a la polemica, lo govèrn francés, que defend que la difusion dels imatges expausa los agents a d’accions ostilas, a decidit d’apondre a l’article 24 qu’aquò siá “sens prejudici del drech d’informar”. Atal se decidiguèt dins una reunion del primièr ministre Jean Castex amb lo ministre de l’Interior, Gérald Darmanin, e de nauts foncionaris.
 
De soslinhar que la polemica que l’amòda la lei explica perqué los debats de divendres a l’Assemblada Nacionala se tenguèron amb un fòrt desplegament dels agents de seguretat.

 

#Article24 , #LoiSecuriteGlobale , la rupture ? pic.twitter.com/DoBp7EtKAA

— Galerien (@Galeriendeparis) November 20, 2020

 
 

At the protest outside the National Assembly against En Marche’s proposed security law which attacks freedom of the press in France. Not covering it, I’m here to participate. #LoiSecuriteGlobalepic.twitter.com/xcpAJLeCIT

— Cole Stangler (@ColeStangler) November 17, 2020