Actualitats
S’alestís la primièra plataforma de vidèo sus demanda en occitan
Se nomena ÒC VOD e s’inaugurarà lo 7 de decembre que ven
La primièra plataforma de filmes doblats en occitan sus demanda s’inaugurarà lo 7 de decembre que ven. Se nomena ÒC VOD e prepausa de filmes corts e longs en occitan dins una ofèrta d’abonament segon tres formulas que van de 4,99 èuros per mes fins a 100 èuros per an. A mai, los filmes se lògan per 48 oras al prètz de 2,99 èuros pels filmes corts e 4,99 èuros pels filmes longs.
Aquesta plataforma la lança la societat de doblatge occitana Conta’m e l’a concebuda en partenariat amb la bretona BreizhVOD e lo productor de filmes doblats en breton Dizale. Permetrà lo visionatge en streaming de l’integritat de tot lo catalòg de filmes, dessenhs animats e sèrias en occitan
L’Ofici Public de la Lenga Occitana prepausa un copon de reduccion a las escòlas de primièr gra qu’ensenhan l’occitan.
Per mai d’informacion podetz contactar: contact(a)contam.fr
Aquesta plataforma la lança la societat de doblatge occitana Conta’m e l’a concebuda en partenariat amb la bretona BreizhVOD e lo productor de filmes doblats en breton Dizale. Permetrà lo visionatge en streaming de l’integritat de tot lo catalòg de filmes, dessenhs animats e sèrias en occitan
L’Ofici Public de la Lenga Occitana prepausa un copon de reduccion a las escòlas de primièr gra qu’ensenhan l’occitan.
Per mai d’informacion podetz contactar: contact(a)contam.fr
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal començar lo camin es larg, amb los melhors desitjos perquè vaja ben.
Es una tras que bona notícia. Esperi que capitarà mas que cal l'adesion de totes e totas !
Ahhh enfin! que hesè hrèita, òsca! que va benlèu remplaçar octv, qui n'a pas gran causa a perpausar.
que i a tanben wwwahum.fr qui ei hèra plan! a trucas d'iniciativas com aqueras que ns'i vam escàder!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari