Escòcia serà lo primièr país ont los produches per las menstruacions seràn gratuits. Atal o a aprovat a l’unanimitat lo parlament nacional. Los grops parlamentaris pòdon encara presentar d’emendaments a la redaccion de la lei, mas desenant las autoritats localas deuràn assegurar la gratuitat dels produches per las règlas a totas las femnas que n’an de besonh.
 
Lo projècte de lei lo presentèt la deputada trabalhista Monica Lennon, qu’a fach campanha en favor de la gratuitat dempuèi 2016. Après l’aprobacion, Lennon diguèt qu’èra una avançada “practica e progressista” contra l’inegalitat de genre e tanben un pas endavant per normalizar las règlas. “Las menstruacions non s’arrèstan pas per la pandemia, e lo trabalh per melhorar l’accès al material essencial, coma los tampons, las servietas igienicas e de produches reütilizables, es pas jamai estat tant important”, çò afirmèt.
 
D’autre caire, la presidenta escocesa, Nicola Sturgeon, se regaudís de l’aprobacion de la lei que la definís ela coma revolucionària.
 
 

Proud to vote for this groundbreaking legislation, making Scotland the first country in the world to provide free period products for all who need them. An important policy for women and girls. Well done to @MonicaLennon7@ClydesdAileen and all who worked to make it happen https://t.co/4lckZ4ZYIY

— Nicola Sturgeon (@NicolaSturgeon) November 24, 2020

 

Thank you to everyone who has campaigned for period dignity and to my MSP colleagues for backing the Bill tonight.

A proud day for Scotland and a signal to the world that free universal access to period products can be achieved. #freeperiodproducts  https://t.co/NC3e97jPuQ

— Monica Lennon (@MonicaLennon7) November 24, 2020