Actualitats
Val d’Aran: protèsta dels ostalièrs per reclamar d’ajudas
Jol lèma “Volem trabalhar”, an manifestat lor desacòrdi envèrs lo plan de desconfinament de la Generalitat de Catalonha
Jol lèma “Volem trabalhar”, aperaquí 400 personas manifestèron dijòus passat en Aran, cridats per la Corporacion d’Ostalariá de la Val d’Aran. Demandan mai d’ajudas de las administracions e protèstan contra las mesuras sanitàrias que lor permeton pas de trabalhar. Après percórrer las carrièras de Vielha, los manifestants se desplacèron fins al Bas Aran.
La Corporacion d’Ostalariá aviá manifestat son desacòrdi envèrs lo plan de desconfinament de la Generalitat de Catalonha, previst en quatre fasas, car permet pas la mobilitat fòra de Catalonha e Aran abans lo 21 de decembre. Pels ostalièrs, la sason es perduda e lor situacion de crisi ven catastrofica. De soslinhar que l’economia d’Aran se basa sustot sul torisme, mai que mai en ivèrn.
De son latz, lo Conselh General d’Aran a contactat de representants de las administracions de Catalonha e de l’estat francés per que coordenen la mobilitat transfrontalièra e n’eliminen las restriccions.
La Corporacion d’Ostalariá aviá manifestat son desacòrdi envèrs lo plan de desconfinament de la Generalitat de Catalonha, previst en quatre fasas, car permet pas la mobilitat fòra de Catalonha e Aran abans lo 21 de decembre. Pels ostalièrs, la sason es perduda e lor situacion de crisi ven catastrofica. De soslinhar que l’economia d’Aran se basa sustot sul torisme, mai que mai en ivèrn.
De son latz, lo Conselh General d’Aran a contactat de representants de las administracions de Catalonha e de l’estat francés per que coordenen la mobilitat transfrontalièra e n’eliminen las restriccions.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los an de daissar tabalhar d'una punhetera vegada ! Ja està ben de proibicions, tots a traballar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari