capçalera campanha

Actualitats

PoliticaSocietat

Marchas de las libertats: contunhan las protèstas contra la lei francesa de “seguretat globala”

Se planh una lei que penaliza l’enregistrament e la difusion d’imatges de la polícia, çò que permetriá d’amagar d’abuses policièrs

| Denis Thaust #AvenirPictures / ABACA
Las principalas vilas d’Occitània e de tot l’estat francés an viscut una segonda dimenjada de manifestacions dichas “marchas de las libertats” contra la dicha “Lei de seguretat globala”. L’indignacion populara contra la nòva lei qu’enebís e punís la difusion d’imatges de las fòrças de l’òrdre en accion a fòrça crescut après la difusion d’un vidèo que mòstra la tabasada e los insultes racistas de quatre policièrs —ara suspenduts— contra lo productor musical, Michel Zecler.
 
Segon lo ministèri de l’Interior francés, an manifestat 133 000 personas dins tot l’estat. Cossí que siá, los imatges mòstran de protèstas multitudinàrias contra los abuses de la polícia e contra la nòva lei de seguretat que la promòu lo govèrn francés e qu’a ja passat la primièra estapa amb l’aprobacion a l’Assemblada Nacionala. Se tracta d’una lei fòrça criticada, mai que mai son article 24, segon lo qual es interdicha la difusion d’imatges de las caras de las fòrças de l’òrdre en accion jos pena de fins a un an de preson e de multas de 45 000 èuros.
 
De jornalistas e de fotografes, amb lo sosten d’organizacions umanitàrias, de partits politics d’esquèrra e de sindicats, denóncian una violacion de la libertat de premsa e un ensag d’empachar de documentar las pròvas de las violéncias policièras, que dins l’estat francés son a prene de dimensions fòrça inquietantas.


 
 
 
 
 
 
 

 



abonar los amics de Jornalet

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

francesc palma
8.

Pareis que finalment las manifestacion popularas an aconseguit qu aquesta proposicion indigna no s'aprovi.

  • 3
  • 0
serra
7.

#6 de òc, i a fòrça causas que poden èsser denonciadas mas que pòt la politica per canviat tot aquò ?. me sembla que res !
Me brembi del programa socialista de 1980 ( ruptura amb lo capitalisme dins un delai de 100 jorns apei l'accès al poder ! ) lo resultat es estat terrible : nepotisme, prevaricacion, desenvolupament de la borsa,
desindexacion del salaris, eca..
Pensi que solet un moviment popular com "los gilets jaunes" pòt faire canviar las causas.
òsca lo populisme !
Per la resta, "Pace e salute"

  • 2
  • 14
Maignial Galhac
6.

#5 Sèm pas jamai en defòra de la politica. çò que decidan a Paris nos toca fin al campèstre pus prigond, dins las escòlas subrecargadas ambe 30 pichons per classa, dins nòstras siètas plenas de pesticidas, dins nòstres impòstes e las taxas, dins lo cambiament climatic qu'a fach perdre la mitat de la recòlta als vinhaires e ortalièrs dins lo miègjorn en 2019 (ambe de temperaturas entre 42 e 46° e la tramontana cremadora)... Que votetz pas ou que votetz per un capitalista, ne pagaretz lo prètz de tota manièira. Ieu preferi me balhar una escasença que cambie tot aquò.

  • 13
  • 0
serra
5.

Ieu, demorant al campèstre occitan, defòra de tota politica politiciana, compti pas sul Macron, sus la macronalha, sul Melanchón (racista anti occitan e anti catalan !) e suls jornalistas romegaires per m'aparar dels panaires e dels agressors, venent de Tolosa e d'endecòm mai. M'estimi mai per aquò faire fisança a la gendarmariá e al la policia. Aquò rai, si aquel comentari es pas politicament correcte.

  • 8
  • 15
Jòrdi VALENCA
4.

Me fa un pauc pietat tot aquò perqué los que ploran ara las violenças policièras an pas fòrça plorat quora los Gilets jaunes se fasián chaplar lo dissapte. La repression mai importanta dempuèi la guèrra. Vertat que i a de bons e de marrits matracatges dins l'esperit dels borgés, los d'esquèrra coma los de drecha. Caliá se desvelhar fa dos ans, ara es tròp tard. Perqué pensatz que i aviá pas fòrça policièrs aqueste còp ? Perqué son de manifestacions jos contraròtle del poder dab los jaunes dels sindicats e de las associacions que fan pas paur a Macron e sa tièra.
Era fòrça diferent en novembre e decembre 2018 se vos sovenetz un pauc. Aquí lo poder parisian aguèt vertadièrament paur.

  • 12
  • 13

Escriu un comentari sus aqueste article