Actualitats
Niça: condemnat a 18 meses de preson per aver menaçat de mòrt un ensenhaire
Lo professor viviá dins la paur après las menaças d’un certan “Prince Rebeu” que li disián que seriá tuat coma Samuel Paty
An condemnat a 18 meses de preson ferma un adolescent niçard de 19 ans per aver menaçat de mòrt un ensenhaire del licèu Guillaume-Apollinaire.
L’ensenhaire viviá dins la paur dempuèi lo 15 de novembre quand recebèt dins sa messatjariá personala las menaças d’un certan “Prince Rebeu” que li disián que seriá tuat coma Samuel Paty, qu’el e sos amics li arrancarián lo cap. Lo professor aviá quitament pensat d’abandonar sos escolans, de levar son nom de sa boita de letras e de demorar a l’ostal, çò rapòrta Nice-Matin.
L’enquista per localizar l’origina de las menaças se tenguèt pendent qualques jorns. Lo parquet de Niça e la polícia judiciària an pres l’afar seriosament. Lo contèxt a pas res a veire amb un cors sus la laïcitat o la libertat d’expression. Lo condemnat èra quitament pas escolan del professor menaçat mas s’èra introduch dins un debat sus Snapchat amodada per una liceana que son professor li aviá reprochat d’aver trichat a un examen.
“Siáu desolat”, çò diguèt l’adolescent durant lo jutjament. “Coneissii pas aqueu sénher, non ai minga de liame emb eu. De basa èra per rire. Tot cen que diguèri non èra reau”, çò assegurèt. Pasmens, los jutges l’an reconegut colpable d’apologia publica en linha d’un acte de terrorisme e de menaça de mòrt.
L’ensenhaire viviá dins la paur dempuèi lo 15 de novembre quand recebèt dins sa messatjariá personala las menaças d’un certan “Prince Rebeu” que li disián que seriá tuat coma Samuel Paty, qu’el e sos amics li arrancarián lo cap. Lo professor aviá quitament pensat d’abandonar sos escolans, de levar son nom de sa boita de letras e de demorar a l’ostal, çò rapòrta Nice-Matin.
L’enquista per localizar l’origina de las menaças se tenguèt pendent qualques jorns. Lo parquet de Niça e la polícia judiciària an pres l’afar seriosament. Lo contèxt a pas res a veire amb un cors sus la laïcitat o la libertat d’expression. Lo condemnat èra quitament pas escolan del professor menaçat mas s’èra introduch dins un debat sus Snapchat amodada per una liceana que son professor li aviá reprochat d’aver trichat a un examen.
“Siáu desolat”, çò diguèt l’adolescent durant lo jutjament. “Coneissii pas aqueu sénher, non ai minga de liame emb eu. De basa èra per rire. Tot cen que diguèri non èra reau”, çò assegurèt. Pasmens, los jutges l’an reconegut colpable d’apologia publica en linha d’un acte de terrorisme e de menaça de mòrt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E los parents dins tot aquò ? E los "grands fraires " ? E l'imam de la mosquèa ?
Un adolescent de 19 ans no es ja adolescent es ja un jove home, e pel que pareis es un gran filh de puta ijaidista de merda.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari