La primièra ministra d’Escòcia, Nicola Sturgeon, voldriá far lo referendum d’independéncia “dins la primièra partida” de la legislatura que ven, çò a dich dins una entrevista dins l’emission Representing Border.
 
La data la prepausarà dins lo programa de las eleccions de 2021. “Ma responsabilitat es de garentir la santat e lo benèsser del país e d’ensajar de lo dirigir pendent una pandemia, e soi centrada sus aquò”, çò a dich. Pasmens, a afortit que “se lo mond d’Escòcia vòtan que vòlon un referendun, i deu aver un referendum”.
 
Davant lo refús del govèrn de Boris Johnson de permetre lo segond referendum escocés, qualques voses del Partit Nacional Escocés demandan a Sturgeon una estrategia per garentir lo vòte se Johnson càmbia pas de posicion.