Actualitats
Mobilizacion contra los projèctes de lei sus l’educacion e la descentralizacion
País Nòstre apèla a manifestar lo 16 de febrièr a Montpelhièr
Qualques partits e collectius occitanistas van jónher la crida de País Nòstre a manifestar lo dissabte 16 de febrièr a Montpelhièr contra los projèctes de lei sus l’educacion e la descentralizacion.
País Nòstre “protèsta amb vigor” contra aqueles projèctes de lei “que s’anóncian calamitoses per las lengas [mal nomenadas] regionalas”.
Del sieu costat, lo Partit Occitan (PÒC) jonh aquela crida après aver “constatat que lo projècte de lei sus l’escòla ignòra completament las lengas [mal nomenadas] regionalas” e se mòstra extrèmament susprés per aquel mancament qu’“ipotèca l’avenir dels joves de las nòstras regions”.
País Nòstre vòl que la protèsta siá unitària, e per aquò an contactat las associacions del país.
La manifestacion se debanarà a partir de 14h a la Plaça del Peiron.
País Nòstre “protèsta amb vigor” contra aqueles projèctes de lei “que s’anóncian calamitoses per las lengas [mal nomenadas] regionalas”.
Del sieu costat, lo Partit Occitan (PÒC) jonh aquela crida après aver “constatat que lo projècte de lei sus l’escòla ignòra completament las lengas [mal nomenadas] regionalas” e se mòstra extrèmament susprés per aquel mancament qu’“ipotèca l’avenir dels joves de las nòstras regions”.
País Nòstre vòl que la protèsta siá unitària, e per aquò an contactat las associacions del país.
La manifestacion se debanarà a partir de 14h a la Plaça del Peiron.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
De que ditz lo PNO, Libertat, Iniciativa..?
Montpelhier sauva l'onor, mas i a pas d'autreis eveniments en d'autrei regiens occitanas ?
Manifestonejar aquí per l'ensenhament public, ailà per l'ensenhament immersiu, amont contra lo centralisme, aval per la constuccion d'un ostal de país, aiçamont per pas èsser expulsat d'un local associatiu, aiçaval per contunhar de tocar la subvencioneta, etc, etc, etc, etc, ne-vòs-aquí-n'-as....
Sabem totes que lo vertadièr problèma es lo comportament colonial de l'estat francés en Occitània.
Manifestar òc, mas pas per demandar un microscopica lei per aquò-aquí, un minusculet decret ministerial per aquò-ailà, e ne passi.
Manifestar, òc, per demandar l'OCCITAN LENGA OFICIALA EN OCCITÀNIA!
Manifestar, òc, per demandar un ESTATUT FEDERAL PER LAS "PROVÍNCIAS" OCCITANAS e sustot pas d'un nòu estatut "decentralizat" que en realitat serà al contrari recentralizat.
E perqué pas? Es immoral de demandar que la lenga nòstra siá oficiala sus la tèrra nòstra ? Es immoral de demandars unas estruturas politicas de decision que son nòstras?
Perqué contunhar de calinhejar l'estat francés coma o fasèm, en demandar sonque besucariás? Al nom de la real-politik? Real-politik qu'a pas jamai portar res de concret senon que pèrdas de temps.
La flaquesa d'unas revendicacions occitanistas, de còps que i a, me balha la dormièra...
Al Peiron? Caldrà comptar un manifestant de mai: lo tipe a caval. Mas, aital coma lo coneissèm, serà contra sa volontat. D'unes dison qu'es un grand rei... A pas tant de poder qu'aquò: dempuèi lo fais d'annadas qu'i es a pas sachut fa bolegar sa ròssa!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari