Actualitats
Un quart dels eurodeputats sostenon lo drech d'autodeterminacion dels pòbles
Jamai aquel drech non aviá obtengut tant de sosten
Lo Parlament Europèu votèt la setmana passada un emendament sul drech d’autodeterminacion dels pòbles que se voliá apondre dins lo document dels dreches fondamentals de l’Union Europèa. La majoritat dels deputats rebutèron aquel drech, mas la nòva es qu’un quart dels deputats lo sostenguèron. Jamai aquel drech non aviá obtengut tant de sostens, çò rapòrta VilaWeb.
Èra previsible lo supòrt de l’eurogrop parlamentari de l’Aliança Liura Europèa (ALE) e dels Verds. L’ALE compren un trentenat de partits europeïstas que representan las minoritats nacionalas. I trobam lo Partit Occitan, lo Partit de la Nacion Còrsa e Esquèrra Republicana de Catalonha, demest d’autres.
Tanben votèron en sa favor una part importanta dels deputats d’Identitat e Democracia, ont i a la Liga Nòrd, e qualques deputats conservators, liberals, socialistas e populars.
La majoritat dels eurodeputats italians en favor de l’autodeterminacion
S’analisam lo sosten segon los estats, ne trobam tres que votèron majoritàriament en favor de l’autodeterminacion dels pòbles: Itàlia, Irlanda e Finlàndia.
Mai del 40% dels deputats europèus italians se mostrèron partisans d’aquel drech de las minoritats. Son los deputats del Movement 5 Estelas e de la Liga Nòrd. Quant als deputats irlandeses foguèron 6 sus 13 que sostenguèron aquel drech del temps que l’aprovavan 6 dels 14 deputats finlandeses.
Quant als eurodeputats franceses, foguèron 14 sus 79 que votèron pel drech d’autodeterminacion, gaireben totes del grop de l’ALE e dels Verds.
Èra previsible lo supòrt de l’eurogrop parlamentari de l’Aliança Liura Europèa (ALE) e dels Verds. L’ALE compren un trentenat de partits europeïstas que representan las minoritats nacionalas. I trobam lo Partit Occitan, lo Partit de la Nacion Còrsa e Esquèrra Republicana de Catalonha, demest d’autres.
Tanben votèron en sa favor una part importanta dels deputats d’Identitat e Democracia, ont i a la Liga Nòrd, e qualques deputats conservators, liberals, socialistas e populars.
La majoritat dels eurodeputats italians en favor de l’autodeterminacion
S’analisam lo sosten segon los estats, ne trobam tres que votèron majoritàriament en favor de l’autodeterminacion dels pòbles: Itàlia, Irlanda e Finlàndia.
Mai del 40% dels deputats europèus italians se mostrèron partisans d’aquel drech de las minoritats. Son los deputats del Movement 5 Estelas e de la Liga Nòrd. Quant als deputats irlandeses foguèron 6 sus 13 que sostenguèron aquel drech del temps que l’aprovavan 6 dels 14 deputats finlandeses.
Quant als eurodeputats franceses, foguèron 14 sus 79 que votèron pel drech d’autodeterminacion, gaireben totes del grop de l’ALE e dels Verds.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas de causida democratica possible contra los tractats europencs ja ratificats. E i a cap de causida tanpauc que permetriá a un a europenc d’èsser pas ratificat. ( vèire lo tractat de Libona per Fransa e per País bàs.
Atal los tractats pas jamai causits pel pòble s’impausan als pòbles. La fin de la sobeiranitat dels pòbles son a èsser josmetuts a l’oligarchia europenca. L’U.E es una construcion juridica e institucionala facha per estofar la votz dels pòbles.
Pas mai, pas mens!
Tornatz l'an que ven per europa que siá disent apara ... dequé ? dels pòbles !
Qual poder los deputats europeens an?
Que desbrembatz de soslinhar lo resultat qui pòt paréisher paradoxau de GUE/NLE quan sabem que i son dehens los 5 deputats de FI.
Un quart dels eurodeputats sostenon lo dreit d'autodeterminacion dels pòbles : aquò daissa totun tres quarts de colonialistaas e autres supremacistas. Quina bèlea Euròpa ! La qu'esperavem, non ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari