Lo capitani dels Dragons, Rémi Casty, comptava plan de jogar una darrièra sason jol malhòt sang e aur e acabar sa carrièra esportiva amb lo XIII de França e una participacion a la Copa del Mond de 2021. Mas la setmana passada, l’entraïnaire McNamara li expliquèt que lo club aviá pas mai de besonh de sos servicis. Lo jogaire, format al FCL, a jogat 336 partidas amb los Dragons e ne foguèt lo capitani 8 annadas (2012-2013 e dempuèi son retorn en 2015). Dos còps foguèt nomenat dins l’esquipa de l’an de la Superliga; a son palmarés, un Campionat del Mond dels Clubs ganhat amb los Roosters de Sydney ont passèt una annada e la Cup que soslevèt a Wembley en agost de 2018.
Una sortida que suspren los sostens del club. Se vòl plan que McNamara explique que cal faire plaça als joves, mas se seriá desirat que s’inspirèsse ja d’aquela idèa dins la gestion de l’esquipa en plaça de daissar los joves jogaires occitans e catalans fòra dels fuèlhs de partida (çò qu’explica lo despart de Lucàs Albèrt) o que faga pas dintrar de remplaçants (coma Pau Seguièr contra Leeds). Se nos pòt explicar qu’es la dura règla del mond professional, mas francament desirariam un pauc mai d’umanitat cap als jogaires e tanben la necessitat d’ajudar la progression dels jogaires del país per aver una formacion francesa competitiva.
Elèit 1: carton plen audenc
Dissabte, los Dragonets son sens pietat pels Orses de Sent Gaudenç: 50-14. A Albi, dins una partida vodada a l’ofensiva, los locals menan 22-4 a l’ora de jòc, mas un carton jaune va destabilizar los Tigres que pèrdon lo fial de la partida e se fan despassar pels Leupards de Vilanòva: 22-24.
Dimenge sens lagui per Lesinhan que s’impausa fàcia al Tolosa Olimpic: 42- 8. Partida disputada del costat d’Avinhon que los limosencs ganhan fin finala: 16-10. A Palau, Carcassona capita las primièras 40 minutas (26-10 a la pausa), mas a 10 minutas de la fin los catalans prenon l’avantatge: 34-32. Dos ensages permetràn als carcassoneses de signar 42-34 lor quatrena victòria de la sason.
Per dimenge, s’anóncia un dèrbi dels bèls al Molin entre l’FC Lesinhan e Carcassona 13. Son tanben al programa de la dimenjada las partidas: Tolosa-Avinhon, Limós-Vilanòva, Dragonets-Albi, St Gaudenç-Palau.
Eleccions a la federacion
Las eleccions a la direccion de la federacion se debanaràn electronicament aqueste dissabte 12 de decembre. Tres listas son en preséncia al cap d’una campanha ont s’exprimiguèt mai de divergéncias que de volontats comunas per far progressar lo movement tretzista.
Alan Roch
Una sortida que suspren los sostens del club. Se vòl plan que McNamara explique que cal faire plaça als joves, mas se seriá desirat que s’inspirèsse ja d’aquela idèa dins la gestion de l’esquipa en plaça de daissar los joves jogaires occitans e catalans fòra dels fuèlhs de partida (çò qu’explica lo despart de Lucàs Albèrt) o que faga pas dintrar de remplaçants (coma Pau Seguièr contra Leeds). Se nos pòt explicar qu’es la dura règla del mond professional, mas francament desirariam un pauc mai d’umanitat cap als jogaires e tanben la necessitat d’ajudar la progression dels jogaires del país per aver una formacion francesa competitiva.
Elèit 1: carton plen audenc
Dissabte, los Dragonets son sens pietat pels Orses de Sent Gaudenç: 50-14. A Albi, dins una partida vodada a l’ofensiva, los locals menan 22-4 a l’ora de jòc, mas un carton jaune va destabilizar los Tigres que pèrdon lo fial de la partida e se fan despassar pels Leupards de Vilanòva: 22-24.
Dimenge sens lagui per Lesinhan que s’impausa fàcia al Tolosa Olimpic: 42- 8. Partida disputada del costat d’Avinhon que los limosencs ganhan fin finala: 16-10. A Palau, Carcassona capita las primièras 40 minutas (26-10 a la pausa), mas a 10 minutas de la fin los catalans prenon l’avantatge: 34-32. Dos ensages permetràn als carcassoneses de signar 42-34 lor quatrena victòria de la sason.
Per dimenge, s’anóncia un dèrbi dels bèls al Molin entre l’FC Lesinhan e Carcassona 13. Son tanben al programa de la dimenjada las partidas: Tolosa-Avinhon, Limós-Vilanòva, Dragonets-Albi, St Gaudenç-Palau.
Eleccions a la federacion
Las eleccions a la direccion de la federacion se debanaràn electronicament aqueste dissabte 12 de decembre. Tres listas son en preséncia al cap d’una campanha ont s’exprimiguèt mai de divergéncias que de volontats comunas per far progressar lo movement tretzista.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari