capçalera campanha

Actualitats

CulturaIstòriaLenga

Joan Bodon: lo CAÒC festeja son centenari amb una tièra d’eveniments en linha

Divendres que ven, farà cent ans que nasquèt lo grand escrivan occitan

Divendres que ven, farà cent ans que nasquèt Joan Bodon, un dels autors màgers de la literatura occitana del sègle XX. Per commemorar aquela efemerida, lo Comitat d’Afrairament Occitanocatalan (CAÒC) organiza una seguida d’eveniments pensats per difondre l’òbra de l’escrivan. Las activitats son totas en linha, e se poiràn seguir de pertot ont i aja de connexion a Internet.
 
Los eveniments començan dijòus amb una amassada en linha per comentar l’òbra Contes del Drac. Se cal inscriure sus caoc(a)caoc.cat.
 
E divendres a 18h se tendrà una conferéncia de Jaume Figueras sul canal de YouTube del CAÒC, entitolada”Bodoniana”. Figueras i farà un percors sus l’òbra de l’escrivan de Crespinh e son temps.
 
Mentretant, a partir de deman e dins los jorns seguents, lo canal YouTube del CAÒC prepausarà una tièra d’entrevistas fachas als traductors catalans de Bodon.
 
De soslinhar que sus aquel canal de Youtube se tròban ja de petits vidèos ont los amics del CAÒC legisson de fragments de l’escrivan roergàs.
 
Enfin, pendent lo mes de novembre, lo CAÒC organizèt un obrador en linha entitolat “Joan Bodon e son temps. Cent ans”que prepausèt en cinc sesilhas un percors dins l’òbra de Bodon.
 
 
 
 
 
 
 
 
abonar los amics de Jornalet
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Pitaluga
3.

#2 Efèctivament. Son de nosautres.
Quand disi los autres, avètz comprés qu'es dins l'encastre exagonal, e en defòra dels pauques que son solidaris amb nosautres. Ara, anatz demandar un reportatge dins Paris Match amb fòtos e tot...
Siquenon, es vertat que se parla mai de la lenga occitana e de la cultura occitana a l'estrangièr qu'en Franciland.
Los catalans essent pas d'estrangièrs.

  • 7
  • 1
Franc Bardòu
2.

#1 E donc "Los Catalans" non son pas los autres. Son de nosautres…

  • 4
  • 1
Pitaluga
1.

Un centenari tras que necessari. Cal pas contar suls autres per parlar de la cultura nòstra, cultura -e Bodon n'es un clar exemple - de dimension universala.

  • 7
  • 0

Escriu un comentari sus aqueste article