Actualitats
Un nòu atlàs dels aucèls d’Euròpa identifica 539 espècias indigènas
Es un dels projèctes màgers de l’istòria de la sciéncia ciutadana sus la biodiversitat. A son elaboracion an participat 120 000 observaires de totes los païses d’Euròpa
Se ven de publicar lo nòu Atlàs dels aucèls nidificators d’Euròpa, editat pel Conselh Europèu dels Recensaments d’Aucèls (European Bird Census Council, EBCC). Aquel atlàs es un esplech essencial per examinar e servar los aucèls e la biodiversitat en tota Euròpa pendent los decennis que venon. Es un dels projèctes màgers de l’istòria de la sciéncia ciutadana sus la biodiversitat, qu’a reünit environ 120 000 observaires volontaris de totes los païses d’Euròpa.
Lo projècte comencèt fa dètz ans e a sas originas dins lo precedent Atlàs EBBC dels aucèls reproductors europèus, publicat en 1997 sus la basa de donadas dels ans 1980. Per collectar las donadas e documentar los cambiaments venguts dempuèi lo primièr atlàs, s’es trabalhat d’un biais escrupulosament scientific menat a bon tèrme amb un vejaire de sciéncia ciutadana. Mark Eaton, president del Conselh Europèu dels Recensaments d'Aucèls, es optimista sus l’avenir e assegura: “Aquel nòu libre, e la basa de donadas que lo sosten, permetrà d’aumentar la recèrca e sostendrà la preservacion dels aucèls e de tota la biodiversitat en tota Euròpa dins los decennis avenidors.”
L’òbra se presentèt al public lo 3 de decembre passat e se retransmetèt per Internet.
Lo projècte comencèt fa dètz ans e a sas originas dins lo precedent Atlàs EBBC dels aucèls reproductors europèus, publicat en 1997 sus la basa de donadas dels ans 1980. Per collectar las donadas e documentar los cambiaments venguts dempuèi lo primièr atlàs, s’es trabalhat d’un biais escrupulosament scientific menat a bon tèrme amb un vejaire de sciéncia ciutadana. Mark Eaton, president del Conselh Europèu dels Recensaments d'Aucèls, es optimista sus l’avenir e assegura: “Aquel nòu libre, e la basa de donadas que lo sosten, permetrà d’aumentar la recèrca e sostendrà la preservacion dels aucèls e de tota la biodiversitat en tota Euròpa dins los decennis avenidors.”
L’òbra se presentèt al public lo 3 de decembre passat e se retransmetèt per Internet.
 | KELLER, Verena; HERRANDO, Sergi et al. European Breeding Bird Atlas 2. Lynx Edicions, 2020. 90 èuros |
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#13 Figuratz-vos qu’es çò qu’aviá fach un regent en Catalonha del Nòrd. Aviá recampats de libres en catalan, aviá derrabadas las paginas per las metre dins los comuns de l’escòla... Quand los grands esperits ...
#23 O-As tot comprès l'ome ! E lo pièger es qu'i arribaran. Pas amb tus o ieu, pecaire, que siam trop vièlhs, mas amb la joinèssa tota qu'arriba e que demanda pas mielhs que de charrar enfin coma aqueles George Clooney o Kevin Costner que ne son tant afogats !
Coma nos an obligat a parlar frances nos volon far parlar l'anglès
Voli pas impausar rens a deguns mas voli pas que me impausan
#20 Per un djihadism d'oc, votatz Abeilhon !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari