Actualitats
Torna dobrir lo Museum Arlatenc après 11 ans de barrament per renovacions
S’i es facha una renovacion colossala fidèla a l’esperit de son fondador, Frederic Mistral
Dimars que ven, 15 de decembre, tornarà dobrir sas pòrtas lo Museum Arlatenc après 11 d’ans de barrament qu’an permés de far una renovacion colossala fidèla a l’esperit de son fondador, Frederic Mistral. Lo departament, qu’i a investit 22,5 milions d’èuros, assabenta de sa redobertura.
En 1899, Mistral inaugurèt lo sit amb la tòca de far un musèu etnografic de Provença. A l’ora d’ara, lo Museum Arlatenc (escrich Museon Arlaten en grafia de Romanilha) garda los tresaurs del país dempuèi la fondacion d’Arle pels romans fins a nòstres jorns. La renovacion i a aduch de modernitat del temps que magnifica las colleccions.
L’exposicion permanenta descriu d’un biais corós e poetic la vida vidanta dels provençals de ièr e d’uèi. Compren d’espleches numerics e d’escenografias variadas per far venir las vesitas mai agradivas e pedagogicas. E, ja qu’es un musèu de la societat, lo Museum Arlatenc prepausa tanben un agach sus la vida culturala e sociala de la Provença d’ara. Tanben aculhirà d’exposicions temporàrias.
En 1904, gràcias a l’argent recebut pel prèmi Nobel de literatura, Mistral installèt lo musèu dins l’ostal de Laval-Castellane, alavetz collègi d’Arle (collègi dels jesuitas). Après la mòrt del poèta en 1914, Fernand Benoit prenguèt sa succession coma conservator.
En 1899, Mistral inaugurèt lo sit amb la tòca de far un musèu etnografic de Provença. A l’ora d’ara, lo Museum Arlatenc (escrich Museon Arlaten en grafia de Romanilha) garda los tresaurs del país dempuèi la fondacion d’Arle pels romans fins a nòstres jorns. La renovacion i a aduch de modernitat del temps que magnifica las colleccions.
L’exposicion permanenta descriu d’un biais corós e poetic la vida vidanta dels provençals de ièr e d’uèi. Compren d’espleches numerics e d’escenografias variadas per far venir las vesitas mai agradivas e pedagogicas. E, ja qu’es un musèu de la societat, lo Museum Arlatenc prepausa tanben un agach sus la vida culturala e sociala de la Provença d’ara. Tanben aculhirà d’exposicions temporàrias.
En 1904, gràcias a l’argent recebut pel prèmi Nobel de literatura, Mistral installèt lo musèu dins l’ostal de Laval-Castellane, alavetz collègi d’Arle (collègi dels jesuitas). Après la mòrt del poèta en 1914, Fernand Benoit prenguèt sa succession coma conservator.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Adishatz,
Qu'ei vertat qu'aqueth video ei tot un produt deras "coms" d'administracions importentas, e coma mès importentas, mès ara manièra "parisenca-americana" e sustot entà non hèr "provinciau".
Totun, totun, avant de criticar e denegar tot, tira'c aras ortigas d'un aire superior de militant ara mòda deras annadas 1970, que cau veser e escotar de plan çò que diden en eth video :
Minuta 11: 21 - era visita qu'ei acompanhada de textis en quate ( 4 ) lengas, e era imatja d'un panèu mòstra de naut a baish : - Francés- Anglés- Espanhòu- Occitan de Provença.
E com que soi jo d'aqueth mestièr, qu'èi arremercat qu'eth Francés tà naut de tot, atau qu'ei mau plaçat, que caderà tòrcer eth còth.
Alavètz qu'eth Occitan-Provençau qu'ei a bona nautor taths mainats, que mantuas escòlas qu'ic seran planvengudas.
Perquè aquel video es pas dins la lenga de Mistral? lo provençau !
Demest los comentaris dins la salas, i a l'occitan provençau?
Coma pel museu de MarsIlha, cal se mobilizar per faire respectar la lenga del país e Frederic MISTRAL.
« Ah ! se me sabien entèndre !
Ah ! se me voulien segui ! »
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari