Actualitats
De provisors dissuadirián los parents d'inscriure lors enfants en occitan
L'Associacion dels Professors de Lengas Regionalas (APLR) denóncia aquela practica desleiala dins l'acadèmia de Niça
Cèrts caps d'establiment dissuadirián los parents d'inscriure lors enfants en occitan dins l'acadèmia de Niça, la circonscripcion escolara que pertòca l'èst maritim d'Occitània. Aquela practica desleiala la denóncia l'Associacion dels Professors de Lengas Regionalas (APLR), çò rapòrta Aquò d'Aquí.
Amb aquela sòrta de practicas brutas apondudas a las dificultats creadas per las reformas del ministre Blanquer, los 1200 escolans d'occitan del segondari son solament 206 al licèu. De soslinhar qu’aquelas reformas pausan de seriosas dificultats a dobrir o manténer un cors d'occitan e baissan radicalament lo coeficient a l'espròva del bachelierat, çò que descoratjan las candidaturas.
En mai d'aquò, a l'Universitat de Niça, i a pas pus de departament autonòm d’occitan.
Atal, son reduches al non-res totes los esfòrces de parents, d'associacions d'ensenhaires e d'elegits locals durant las darrièras 25 annadas.
De soslinhar totun que la demanda d'ensenhament bilingüe francés-occitan a l’escòla mairala e elementària es fòrta a Niça. Per exemple, l'escòla dels Irangièrs deu seleccionar los escolans pr’amor de la fòrta demanda d’inscripcion.
L'acadèmia de Niça es la circonscripcion escolara que pertòca las encontradas d'Auta Val de Var, Costiera Niçarda, Esterèu, País de Grassa, Val de Tiniá, Val de Vesubiá, Val de Ròia e Tèrra Brigasca, Vencenc, Brinholenc, Draguinhanenc, Esterèu, Mauras, País de Faiença, País de Verdon e Tolonenc.
Emission #aranésòc de Betevé de 28 de setembre de 2019 a prepaus de las reformas de Blanquer. Entrevista de Laurenç Revèst, ensenhaire a Menton
Amb aquela sòrta de practicas brutas apondudas a las dificultats creadas per las reformas del ministre Blanquer, los 1200 escolans d'occitan del segondari son solament 206 al licèu. De soslinhar qu’aquelas reformas pausan de seriosas dificultats a dobrir o manténer un cors d'occitan e baissan radicalament lo coeficient a l'espròva del bachelierat, çò que descoratjan las candidaturas.
En mai d'aquò, a l'Universitat de Niça, i a pas pus de departament autonòm d’occitan.
Atal, son reduches al non-res totes los esfòrces de parents, d'associacions d'ensenhaires e d'elegits locals durant las darrièras 25 annadas.
De soslinhar totun que la demanda d'ensenhament bilingüe francés-occitan a l’escòla mairala e elementària es fòrta a Niça. Per exemple, l'escòla dels Irangièrs deu seleccionar los escolans pr’amor de la fòrta demanda d’inscripcion.
L'acadèmia de Niça es la circonscripcion escolara que pertòca las encontradas d'Auta Val de Var, Costiera Niçarda, Esterèu, País de Grassa, Val de Tiniá, Val de Vesubiá, Val de Ròia e Tèrra Brigasca, Vencenc, Brinholenc, Draguinhanenc, Esterèu, Mauras, País de Faiença, País de Verdon e Tolonenc.
Emission #aranésòc de Betevé de 28 de setembre de 2019 a prepaus de las reformas de Blanquer. Entrevista de Laurenç Revèst, ensenhaire a Menton
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Mercés plan d'aqueste comentari. Se podria malurosament trobar de militants occitans per escupir suls ensenhaires de Calandreta. La generalizacion es totjorn marrida. Se i a un argument a vos opausar seria de far la tièra de las criticas menadas per la FELCO e los CREOs cap al ministèri, los rectorats e divèrses foncionaris, las manifestacions e peticions. I a tanben de recorses juridics. Bon, cresi qu'es pro per informar lo monde. Pas pro per vos convéncer, segurament.
Per çò qu'es del mesprètz de l'EN contra la lenga nòstra, vos doni rason. I a los que lichan del dedins e los que luchan del defòra. "Si tiram tots..." (la condicion per reussir es de se tirar pas dessus!).
I-a quand mèsma una evidència qu'es plan de rementar : la tòca primièra de l'Educacion Nacionala foguèt l'exterminacion de la lenga nòstra. Aquel genocidi linguistic fierament considerat pel poder parisenc coma son "òbra grand" a fòrça plan capitat. Caldria èsser nèci per pensar qu'ara Paris se prendria la tissa fantasierosa de fisar a l'organism qu'a fabricat per tuar la lenga nòstra (l'Educacion Nacionala, doncas) la tòca de recalivar çò que li demandèt de tuar. Aquò s'es pas jamai vist.
Emai se tot còp s'amusan sadicament a vos faire creire lo contrari los fonccionaris-ministres coma aquel Castaner o quin que siague fonccionari-provisor contunhan l'òbra genocidària de sos predecessors, tot simplament, Mai qu'un grand discors, las milantas empachas e situacions kafkaïanas que fan patir als ensenhaires d'occitan per los faire quincanelar ne son la melhora pròva.
En clar i-a pas res a esperar de l'Educacion Nacionala, es pas per nosautres, es aqui per espandir la francimandia e res de mai.
#11 Solide. Degun vos empacharà pas d'exprimir la vòstra opinion coma volètz, tant qu'avètz pas paur de totjorn mai vos confondre dins l'ipocrisia e l'excusa.
Pasmens, l'espectacle dels vòstres comentaris quitarà pas d'èsser pietadós e dolorós d'agachar.
Lo vòstre ton pedent, qu'es lo d'un adolescent que se merita un parelh de morniflas, se pòt pas exactament considerar coma una convidacion a la paciéncia.
Me gardarai de comentar las vòstras responsas a #1 e en #9 tant relèvan d'una retorica tota macroniana : impossible de definir se mentissètz drech dins las vòstras bòtas, o se, en fach, sètz pas qu'un ase bardinat de mai.
#8 quenta agressivitat ! A çò que sabo, se siam jamai rescontrats (e vòstre ton m'o fai pas regretar). Suu fons, ma fe, sio coma vos brave òme, parlo quand vòlo, en qu vòlo, e me contrafoto d'aquelos que me demandan de me quesar.
#9 De tota mena Blanquer, coma l'Estat francès o la Republica francimanda de Paris volon e an totjorn volgut tre la debuta la mort de l'occitan. Paris a creat son Educacion Nacionala per tuar las lengas autras que lo francès parladas sus SA proprietat. E contunha plan de faire son trabalh linguicidi, cal pas somiar !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari