Actualitats
Lei Molac: revirada del Senat francés al ministre Blanquer
Los senators an aprovat aqueste dijòus de restablir los dètz articles de la proposicion de lei per protegir las lengas autoctònas de l’estat francés
Lo deputat breton, Paul Molac, aviá presentat una proposicion de lei a a l’Assemblada Nacionala francesa lo 13 de febrièr passat per protegir las lengas amb l’idèa de portar “de solucions concretas a de problèmas que perduran dempuèi tròp longtemps”. L’Assemblada Nacionala l’adoptèt après la reduire a son expression minimala: la comission dels afars culturals retenguèt solament tres articles suls dètz que figuravan inicialament dins lo tèxt que cercava de defendre las lengas mal nomenadas regionalas.
Ara, restablits los dètz articles, la proposicion de lei tornarà a l’Assemblada Nacionala, probablament en abril venent. Aquí, Blanquer tornarà probablament ensajar de lo vojar de substància pertocant l’ensenhament. Mas, segon L’Express, es complicat que lo ministre jacobin capite plan car los deputats se voldràn pas alienar los partisans de la diversitat culturala a qualques meses sonque de las eleccions departamentalas e regionalas.
Lo deputat breton reconeis que sa proposicion es una responsa globala al Ministèri de l’Educacion que considèra coma un perilh lo fach de donar mai d’un 50% a l’ensenhament d’una d’aquelas lengas.
D’efièch, Blanquer aviá reprochat a Molac que critiquèsse la Revolucion francesa e la Republica, e assegurèt: “Nosautres avèm pas cap de problèmas amb las lengas e las culturas regionalas” en tot assolidar que la lei actuala, segon el, donariá tot çò que cal per ne desvolopar l’ensenhament. Se sap pas s’o faguèt amb cinisme o en i cresent vertadièrament.
La proposicion de lei la presentèt Molac amb son grop parlamentari Libertats e Territòris, qu’i aperten dempuèi 2018 après quitar La Republica en Marcha.
La reforma del bachelierat de Blanquer a baissat los coeficients que lor son acordats a las lengas autoctònas, çò qu’a reduch considerablament los efectius que seguisson aqueles ensenhaments. Un paradòxe mentre que la demanda creis en Occitània, en Bascoat, en Bretanha e endacòm mai.
Je tiens à remercier les groupes @ecologistesenat et @GroupeLibTerrAN qui ont porté cette proposition de loi sur les #languesregionales . Prochain RDV pour la 2ème lecture à l'@AssembleeNat le 08/04 lors de la prochaine niche parlementaire du groupe Libertés et Territoires https://t.co/2jlHSkpbJn
— Paul Molac (@Paul_Molac) December 10, 2020
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal que la lenga dels trobadors sia reconeguda oficialment en tots los nivels, educatius ,metjans de comunicacion,.cal que tenga televisions,radios e que sia amparada davant la lei coma la lenga propia nacionala de tots los territoris de la lenga d'Oc.
Ara cal esperar de veire çò que faràn los pichòts soldats de la start-up armada macroniana a l'Amassada nacionala, amb lo del menèl sus la costura del pantalon.
Podem tornar esperar una victòria definitiva ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari